Ил Дархан, бырабыыталыстыба пресс-сулууспата.
2025 сыл бастакы үс ыйыгар Саха сиригэр 263 тыһ. кв.м иэннээх олорор дьиэ тутулунна. Бу былырыыҥҥытааҕар 44%-нан элбэх, ол саҕана 183 тыһыынча кэриҥэ кв.м. иэннээх дьиэ тутуллан киирбитэ. Бу туһунан өрөспүүбүлүкэ тутууга министиэристибэтэ иһитиннэрэр.
Уопсайа 64,5 тыһыынча квадратнай миэтэрэ иэннээх элбэх кыбартыыралаах дьиэлэр, оттон 199 тыһ. кв.м. чааһынай олорор дьиэлэр тутулулбуттар.
Саха сиригэр 2025 сылга барыта 690 тыһыынча квадратнай миэтэрэ иэннээх дьиэ тутуллуохтаах — бу Арассыыйа бэрэсидьиэнэ Владимир Путин көҕүлээһининэн саҕаламмыт «Инфраструктура для жизни» саҥа национальнай бырайыак чэрчитинэн былааннаммыт сыыппара. Итинтэн 330 тыһыынча квадратнай миэтэрэҕэ — элбэх кыбартыыралаах дьиэлэр, оттон 360 тыһыынча кв.м. чааһынай дьиэлэр буолуохтаахтар.
Санатан эттэххэ, 2024 сыллаахха өрөспүүбүлүкэҕэ муҥутуур элбэх — 752,4 тыһыынча квадратнай миэтэрэ иэннээх дьиэ тутуллубута. Бу Саха сирин устуоруйатыгар саамай муҥутуур үрдүк көрдөрүү. Ил Дархан Айсен Николаев маннык түмүктэри ситиһии федеральнай киин, эрэгийиэннээҕи салалта уонна тутуу эйгэтин ситимнээх үлэлэрин көмөтүнэн кыаллыбытын Анал туһаайыытыгар бэлиэтээбитэ.
Ил Дархан, бырабыыталыстыба пресс-сулууспата.
Өрөспүүбүлүкэ борокуруора Сергей Дябкин сорудаҕынан, Ленскэй улууһун борокуратуурата Ленскэй куорат «Севернай» түөлбэҕэ хас да элбэх…
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…