Тутуу хампаанньаттан 67 мөл.солк. иэһин суотугар тиэхиньикэ былдьанна

Дьокуускай куорат суут бириистэптэрин отделениетыгар олорор дьиэлэри уонна араас эбийиэктэри тутуунан дьарыктанар хампаанньа уопсайа 67 мөлүйүөн солкуобайдаах суумаҕа иэһин ирдииргэ дьыала киирбит.

Дьыала чэрчитинэн тэрилтэ баайын-дуолун көрдөөһүн тэрээһиннэрэ ыытыллыбыттар. Хампаанньаҕа тырааныспардар бааллара биллибитин кэннэ, суут бириистэптэрэ аадырыһынан тахсан, тырааныспары былдьыырга докумуон толорбуттар. Ол түмүгэр таһаҕас тиэйэр улахан тырааныспар былдьаммыт уонна сотору кэминэн аатыыланыаҕа.

Ону таһынан хампаанньа хаһаайыттарын холуобунай эппиэккэ тардыллалларын туһунан сэрэппиттэр. Салгыы көрдүүр-ирдиир тэрээһиннэр ыытыллаллар, диэн Саха сиринээҕи Суут бириистэптэрин сулууспатын пресс-сулууспата суруйар.