Саха сиринээҕи Силиэстийэлиир кэмитиэтин ураты суолталаах дьыалалары силиэстийэлиир иккис отделынан Дьокуускай куорат олохтооҕор нолуоктары уонна страховой усунуостары төлүүртэн хампаанньа харчытын бөдөҥ кээмэйинэн кистээбит буруйугар (РФ ХК 199.2 ыст. 1 ч.) холуобунай дьыаланы силиэстийэлээһинэ түмүктэннэ.
Бу туһунан Саха сиринээҕи Силиэстийэлиир кэмитиэтин пресс-сулууспата иһитиннэрэр. Силиэстийэнэн быһаарыллыбытынан, былырыын атырдьах ыйыттан ахсынньы ыйыгар диэри буруйданааччы нолуокка уонна страховой усунуоска иэстээҕин, ону таһынан юридическай сирэй ахсааннарыттан иэһи күүһүнэн төлөтөргө нолуок уоргана миэрэ ылбытын чопчу билэр эрээри, соруйан сокуону кэһэн, хампаанньаҕа харчы суоҕун курдук сымыйанан оҥорбут.
Буруйданааччы эбийиэктэри тутууга бэдэрээт дуогабардарынан толоруллубут үлэтин иһин харчыны контрагеннарга, табаарынан хааччыйааччыларга уонна бэдэрээччиттэргэ көһөрөр туһунан дьаһайар суруктары ыыталаабыт. Онон кини нолуогу төлүүртэн бөдөҥ кээмэйинэн харчыны кистээбит.
Силиэстийэ гражданскай ирдэбили хааччыйар сыалтан, буруйданааччы хамсыыр баайыгар-дуолугар хааччахтааһыны киллэрдэ. Билиҥҥи туругунан холуобунай дьыала Дьокуускайдааҕы куорат суутугар ыытылынна. Холуобунай дьыала нолуок уоргана уонна СӨ ИДьМ Экэнэмиичэскэй куттал суох буолуутун уонна коррупцияны утары охсуһар управлениетынүлэһиттэрэ ыыппыт бэрэбиэркэлэрин матырыйаалларынан көбүтүлүннэ.
Саха сиригэр 9514 оҕо төрөөтө. Саха Өрөспүүбүлүкэтэ 2014 сылтан нэһилиэнньэ ахсаана үрдүү турар Уһук Илин…
Саха сирэ хорсун-хоодуот дьонунан аатырар. Саха сирэ бэйэтин устуоруйатыгар элбэх дьоруойу бэлэхтээбитэ, олор истэригэр Аҕа…
Хата бу бэрт этии буолбут. Билигин киһиэхэ ханнык битэмиин тиийбэтин бэрэбиэркэлэтээри дьон хастыы да тыһыынчаны…
Мииринэй оройуонун суута Ленскэй оройуонун 39 саастаах олохтооҕун улахан уорууга буруйдаата. Буруйдаах киһи тралга суоппардаабыт…
Мэҥэ Хаҥалас улууһун Төҥүлү нэһилиэгин урбаанньыта Иван Иванович Борисов туһунан “Саха сирэ” хаһыат саайтын нөҥүө…
Аҕыс уон сыл анараа өттүгэр, аан дойдуну аймаабыт, харах уута тохтуулаах Аҕа дойду Улуу сэриитэ…