Тутуу матырыйаалларын босхо тиэйэн аҕаллылар

Бүгүн Сииттэ нэһилиэгэр тутуу матырыйаалларын тиэммит массыыналар кэллилэр.

Олору олохтоох дьаһалта баһылыга Семен Тимофеев босхо тиэйтэрэн аҕалтарда. Киһиэхэ кыра да наада дииллэринии, тутуу матырыйаалын сакаастаабыт дьон сүргэлэрэ көтөҕүллэн, олус астынан улаханнык махтаннылар.

Сүүһүнэн профлиһы, осб, хаптаһыннары, тэпилииссэни, дьиэни тутар буруус мастары, сип-панеллары КАМАЗ массыынанан толору тиэйэн аҕалан, кыһалҕалаах дьону улаханнык абыраатылар.

Сииттэ нэһилиэгин олохтоохторун кыһалҕаларын быһаарарга олохтоох дьаһалта төһө кыах баарынан күүс-көмө буоларын дьон-сэргэ билинэр, астыналлар, махтаналларын биллэрэллэр.

Марианна Сивцева.