Хаартыска: yakutskcity.ru
СӨ Тутууга миниистирэ Виктор Романов киин куорат «Звезднай» түөлбэҕэ С секторга көһө сылдьар бэрэбиэркэни ыытта.
Тутуу миниистирэ Виктор Романов бэс ыйын 3 күнүгэр «Звезднай» түөлбэ «С» секторыгар уулуссалары, суол ситимин, тутуу хаамыытын, инженернэй ситимнэри, ону тэҥэ урут тутуллубут олорор дьиэлэргэ ситэ ыытыллыбатах үлэлэри уонна итэҕэстэри туоратыыга хайдах үлэ ыытыллыбытын көрдө.
Бастатан туран, олохтоохтору сүрүн кыһалҕанан долгутар саҥа түөлбэҕэ киирэр айан суолу оҥоруу буолар. Үлэ сакаасчытынан «Главстрой» МУК үлэлиир. Бү тэрилтэни кытта үлэ бастакы түһүмэҕин ыытарга уонна суол ситимин тутууга бэлэмнээһиҥҥэ хантараак түһэрсиллибитэ.
«Бастакы уочаратынан былырыын А секторга үлэҕэ киирбит 7 дьиэҕэ диэри Космонавт Герман Титов аатынан переулогы аспааллааһын үлэтэ барар. Үлэ быйыл муус устар ыйыттан саҕаламмыта уонна сыл бүтүүтэ түмүктэниэхтээх. Ону кытта «С» секторга диэри суолу оҥоруу бастакы түһүмэҕэ саҕаламмыта. Бу үлэлэринэн тротуардар оҥоһуллаллар, уулуссалары сырдатыы ыытыллар. Быйыл С секторга саҥа 10 дьиэ үлэҕэ киириэҕэ», — диэн Виктор Романов иһитиннэрдэ. Кини этэринэн, ити үөһээ ыйыллыбыт суоллары оҥоруу кэмигэр билигин баар буор суоллары балаһыанньатыттан көрөн тэҥнээн биэриэхтэрэ.
Иккиһинэн, олохтоохтор түөлбэ иһинэн уопсастыбаннай тырааныспар сырыытын тэрийии боппуруоһун туруорсаллар. Урукку Покровскай тракт өттүнэн саҥа түөлбэҕэ оптуобус тохтобулун былаһааккатын туруоруута быһаарыллыаҕа.
Итини кытта түөлбэ иһигэр территорияны тупсарыы үлэтэ салгыы барыаҕа. Үлэни сайын устата ыытыахтара. Ураты болҕомто уунан, сылааһынан уонна уотунан хааччыйыы боппуруостарыгар уурулунна. Канализация боппуруоһун өттүгэр билиҥҥитэ быстах дьаһалынан септиктэри тэрийэллэр. Кииннэммит канализацияҕа холбооһун үлэтэ 2025 сылга ыытыллыаҕа.
2025 сылга «Звезднай» түөлбэҕэ 990 үөрэнээччигэ анаммыт оскуола, 2026 сылга сменаҕа 600 киһи сылдьар поликлиниката тутуллара былааннанар.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…