Туймаада ыһыаҕар оптуобустар сырыылара

Бэс ыйын 29-30 күннэригэр, Туймаада ыһыаҕар, Үс Хатыҥҥа диэри оптуобустар икки хайысханан сылдьыахтара. 

Бу сыалга «ЯПАК» муниципальнай унитарнай тэрилтэ 155 уонна 156 нүөмэрдээх оптуобустара 7-10 мүнүүтэ арыттаах дьону таһыахтара.

155 №-дээх оптуобус Медицинэ киинэ – Сэргэлээхтиир шоссе – Дежнев аатынан уулусса – Кулаковскай аатынан уулусса – Ленин проспега — Дзержинскай аатынан уулусса — Өктөөп 50 сыла автострада — Можайскай аатынан уулусса — Строд аатынан уулусса — Намныыр суол — Үс Хатыҥ маршрутунан ыһыахчыттары таһыаҕа.

Оптуобустар сарсыарда 7 чаастан саҕалаан сылдьыахтара. Бырайыас сыаната 60 солкуобай.

Оттон 156 №-дээх оптуобус Автовокзал тохтобулуттан Октябрьская уулусса — Лермонтов аатынан уулусса — Дзержинскай аатынан уулусса — Өктөөп 50 сыла автострада—Можайскай аатынан уулусса — Намныыр суол —Үс Хатыҥ маршрутунан айыанныаҕа. Бу туһунан Дьокуускай куорат мэрията иһитиннэрдэ.