Туундара үрэхтэрэ ырбыыланан тураллар (ВИДЕО)

Аллайыахаҕа сандал саас кэлбитэ билиннэ.  Туундара үрэхтэрэ хаардара ирэн, ууланан, ырбыыланан тураллар. Ыраах сирдэргэ балыксыттар эрдэ баран, хата, хаайтарыыга түбэспэттэр.

Туундара устун айанныыр билигин ириэрии буолан ыараабыт.  Сорох сиринэн хаар олох суох.

Туундараны көтөр-сүүрэр саҥата толорор. Быйыл сылгы чыычааҕа урукку дьыллардааҕар эрдэлээн кэлбит. Туруйалар олус элбээбиттэр. Кинилэр кэннилэриттэн хаастар сапсай уопсан көтөллөр. Кыталыктар кэлэн төттөрү-таары пааранан көтөн, туундараны сэргэхсиппиттэр. Соторутааҕыта биэс уонча кыталык кытылга олорорун көрбүттэр дииллэр.

Хаартыска: Ж.Стрюкова