Хаартыска: иниспиэксийэ
“Друзья природы – 2025” экология десана үлэтин түмүктээтэ. Бу десаҥҥа Аллайыаха улууһун А.Г.Чикачев аатынан Чокуурдаах орто оскуолатын үөрэнээччилэрэ кытыннылар. Кинилэри Аллайыахатааҕы экологияны кэтээн көрүүгэ иниспиэксийэ сүрүннээтэ.
Десант кэмигэр оҕолор эрэгийиэн экологтарын биллэрэр-көрдөрөр ис хоһоонноох лиэксийэлэрин сэргээн иһиттилэр. Ол курдук, кинилэргэ Дьокуускайтан тиийбит орнитолог-учуонай Мария Владимирцева кыталыктар тустарынан интэриэһинэйдик кэпсээтэ. Салайааччылара Юрий Рожин оҕолору туундараҕа илдьэ сылдьан, олохтоох үүнээйилэри, көтөрдөрү көрдөрө-көрдөрө кэпсээбитин чугастык ылыннылар. Аллайыаха кэрэ миэстэлэринэн бохуокка сылдьыбыттарын туохтааҕар да ордордулар. Тулалыыр эйгэлэрин хайдах харыстыырга иниспиэксийэ үлэһиттэрэ үөрэттилэр. Оҕолор иниспиэксийэ, “Кыталык” национальнай паарка үлэһиттэрин кытта субуотунньукка кытыннылар. Онон 14 эдэр эколог бу дьоһун бырайыакка кыттыстылар. Десант үлэтэ таһаарыылахтык ыытылларыгар улуустааҕы үөрэх управлениетын көмөтө үгүс.
“Эһиил десант үлэлиэ дуо?” – дэһэн оҕолор дьиэлэригэр тарҕастылар.
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Хаарчаана бэлэҕэ"…
Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…
Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…
Бу күннэргэ Дьокуускайга Арчы дьиэтигэр сырдык санааны саҕар ис хоһоонноох дьоро тэрээһин буолан ааста. Бу…
Бүгүн сарсыарда 112 нүөмэргэ 8 чаас чугаһыгар муус анныгар массыына түспүтүн туһунан иһитиннэрии киирбит. ЯСИА…
Ааһан эрэр сыл ахсынньы 18 күнүгэр "Ника" банкеттыыр саалаҕа "Ситим" өрөспүүбүлүкэ көҥүл суруйааччыларын сойууһун уопсастыбаннай…