Туваҕа ойууттар киһи аймах үтүө туруктаныытын сиэрин толордулар

Күн муҥутуурдук уһаан турар кэмигэр сөп түбэһиннэрэн, Туваҕа ойууттар киһи аймах үтүө туруктаныытын сиэрин толордулар. Байыастар доруобуйаларын уонна Арассыыйа байыаннай эпэрээссийэҕэ хоторун туһугар көрдөстүлэр. Ити туһунан ТАСС-ка Адыг-Ээрен Тыватааҕы ойууттар итэҕэллээх тэрилтэлэрин бэрэстэбиитэлэ иһитиннэрбит.

“Бэс ыйын 21 күнүгэр сарсыарда 8 чааска (04:00 мск) Тываҕа Монгун-Булак диэн сиргэ ойууттар улахан сиэри толоруулара буолла. Ону тэҥэ, сиэри толоруу ойууннар баар Арассыыйа атын эрэгийиэннэригэр эмиэ ыытылынна. Ойууттар сүбэлэһэн баран сиэри-туому миэстэтигэр ыыталлар. Бу энергетическэй көрүүнэн олус күүстээх күн, онон сайын үтүө туруктаахтык ааһарын туһугар Үрдүк Айыылартан уонна өбүгэлэрбититтэн өйөбүл көрдүүр суолталааҕынан ааҕыллар. Ойууттар киһи аймах үтүө туруктаах буоларын, байыастарбыт байыаннай эпэрээссийэҕэ кыайалларын уонна доруобай буолалларын туһугар көрдөстүлэр”, — диэн ойууттар итэҕэллээх тэрилтэлэригэр иһитиннэрдилэр.

Сиэри-туому толорууга Үрдүк Айыылартан алгыс ылыан баҕалаах дьон бары кэллилэр.

Туваҕа ойууттар 13 тэрилтэлэрэ баара биллэр. Арассыыйа Үрдүкү ойууна уонна Тува Үрдүкү ойууна — Кара-оол Допчун-оол билигин дойдутугар баар.