«Ты в игре» Бүтүн Арассыыйатааҕы куонкурус VI сезона саҕаланна

«Ты в игре» Бүтүн Арассыыйатааҕы успуорт бырайыактарын куонкуруһун VI-с сезона саҕаламмытын туһунан успуорт миниистирэ, Арассыыйатааҕы Олимпийскай кэмитиэтин бэрэссэдээтэлэ Михаил Дегтярев иһитиннэрдэ.

«Ты в игре» Бүтүн Арассыыйатааҕы успуорт бырайыактарын куонкуруһа успуорт араас көрүҥнэригэр элбэх бырайыагы арыйар, олор ортолоругар сыл ахсын баскетболга сыһыаннаах көҕүлээһиннэр элбээн иһэллэр. Куонкурус VI-с сезонугар биэс сүрүн номинация баар – «Саҕалааһын» («Точка старта»), «Далааһын» («Масштаб»), «Оҕолор успуорка» («Дети в спорте»), «Успуорка уларыйыы» («Трансформация в спорте»), «Муҥура суох кыахтар» («Безграничные возможности»), ону таһынан куонкурус партнердарыттан үс номинация – «Корпоративнай успуорт», «Спортивнай туризм», «Медиа».

Кыайыылаахтар харчынан бириистэри тутуохтара, оттон норуот куоластааһынынан талыллыбыт бырайыактар анал бириистэринэн бэлиэтэниэхтэрэ.

«Ты в игре» Бүтүн Арассыыйатааҕы успуорт бырайыактарын куонкуруһун «Национальные приоритеты» тэрилтэ РФ Успуорка министиэристибэтин өйөбүлүнэн «Арассыыйа успуорда» судаарыстыбаннай бырагыраама чэрчитинэн ыытар.

«Бэрэсидьиэн Владимир Владимирович Путин биһиги иннибитигэр сорук туруорбута: 2030 сылга диэри Арассыыйа гражданнарын 70%-тан итэҕэһэ суоҕа физическэй култууранан уонна успуордунан ситимнээхтик дьарыктаныахтаах. Бу сыалы ситиһэргэ „Ты в игре“ куонкурус көмөлөһөр. Сезон ахсын кини далааһына кэҥээн иһэр: кыттааччыларын ахсаана үксүүр, успуорт саҥа хайысхаларынан бырайыактар баар буолаллар. Бэһис сезон устата куонкуруска дойду бары муннугуттан 21 тыһыынчаттан тахса сайаапка киирбитэ. Кинилэр истэригэр адаптивнай уонна фиджитал успуорду сайыннарар, биһиги үгэс буолбут көрүҥнэрбитин сөргүтэр бырайыактар бааллара улахан суолталаах. Чаҕылхай успуорт бырайыактарын ааптардарын 6-с сезонҥа кытталларыгар уонна олоххо киллэрэллэригэр эбии өйөбүлү ылалларыгар ыҥырабыт!», – диэн Арассыыйа Бырабыыталыстыбатын Бэрэссэдээтэлин солбуйааччы Дмитрий Чернышенко бэлиэтээтэ.

«Ты в игре» куонкурус сүрүн соруга – олохтоохтору успуордунан дьарыктаныыга угуйарга көмөлөһөр чаҕылхай уонна кэскиллээх бырайыактары булан бэлиэтиир. «Ты в игре» куонкурус Успуорка министиэристибэтин өйөбүлүнэн «Арассыыйа успуорда» судаарыстыбаннай бырагырааманан сыл ахсын ыытыллар. Сиһилии: https://www.sakha.gov.ru/news/19679