Хаартыска Нам улууһун дьаһалтатын пресс-сулууспатыттан
Ил Дархан Айсен Николаев бу дьыл кулун тутар 29 күнүгэр «СӨ туризмы уонна олохтоох оҥорон таһаарыыны сайыннарыы» диэн стратегическай Ыйаахха илии баттаабыта. Ыйаахха этиллэринэн, 2030 сылга диэри тыа хаһаайыстыбата оҥорон таһаарар бородууксуйатын сүрүн 7 көрүҥүн 1,5 төгүл үрдэтэргэ сыал-сорук турар.
Бэҕэһээ, от ыйын 31 күнүгэр, Нам улууһугар М.К.Аммосов аатынан култуура уонна духуобунай сайдыы дыбарыаһыгар, стратегическай Ыйаахха олоҕуран, 2025 сылтан тыа хаһаайыстыбатын салаатын өйүүр саҥа мэхэниисимнэри, муниципальнай тэриллиилэргэ бэриллэр биирдиилээн боломуочуйалары биэрии барылларын дьүүллэһии киэҥ ыҥырыылаах стратегическай сиэссийэтэ буолан ааста.
Стратегическай сиэссийэҕэ Нам, Горнай, Мэҥэ Хаҥалас, Амма, Хаҥалас, Уус Алдан, Кэбээйи улуустарын баһылыктара, Чурапчы улууһун баһылыгын солбуйааччы, Арктическай судаарыстыбаннай агротехнологическай университет ректора, СӨ тыа хаһаайыстыбатын министиэристибэтин, подведомственнай тэрилтэлэрин, улуустар тыа хаһаайыстыбаларын управлениеларын салайааччылара, исписэлиистэрэ, улуус нэһилиэктэрин баһылыктара, тыа хаһаайыстыбатын бородууксуйатын оҥорон таһаарааччылар, бааһынай хаһаайыстыбалар салайааччылара, улуустар дьаһалталарын үлэһиттэрэ кыттыыны ыллылар. Үөһээ Халыма, Бүлүү, Өлүөхүмэ, Абый, Дьааҥы улуустара куйаар ситимин нөҥүө кыттыыны ыллылар диэн Нам улууһун дьаһалтатын пресс-сулууспата иһитиннэрэр.
Тыа хаһаайыстыбатын өйүүр саҥа мэхэниисим олоххо киирэригэр бэйэлэрин көрүүлэрин этэн иһитиннэрии оҥордулар, санааларын атастастылар, ыйытыктарга хоруйдаатылар.
Ньурба улууһугар Марха өрүскэ туристар бөлөхтөрө хаайтарбыттар. Бэһиэ буолан икки мотуордаах оҥочонон айаннаан истэхтэринэ, биир…
Балаҕан ыйын 18 күнүгэр Социальнай пуонда Саха сиринээҕи салаатын килийиэннэрин сулууспаларыгар Биир кэлим босуобуйа күнэ…
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников дойду Бэрэсидьиэнэ Владимир Путин көҕүлээбит “Олох инфраструктурата”…
Бу күннэргэ Арассыыйа Наукаларын академиятын Сибиирдээҕи салаатын Гуманитарнай чинчийиилэр уонна хотугу норуоттар кыһалҕаларын института тэриллибитэ…
“Уһук Илиҥҥи тиэргэннэри тупсаҕай оҥоруу” федеральнай бырайыагынан Саха сиригэр 17 тиэргэни тупсарыахтара. Ол курдук, бу…
Саха сиринээҕи Саахал мэдиссиинэтин киинин үлэһиттэрэ «Путь воина» күрэхтэһиигэ көмөнү оҥорорго бэлэмнэр. Саахал мэдиссиинэтин киинин…