Бүгүн тыа хаһаайыстыбатын кэпэрэтииптэрин сийиэһин чэрчитинэн, тыа хаһаайыстыбатын кэпэрээссийэтин тиһигин сайыннарыыга Саха Өрөспүүбүлүкэтин Бырабыыталыстыбатын иһинэн сүрүннүүр сэбиэт мунньаҕа саҕаланна.
Өрөспүүбүлүкэ Бырабыыталыстыбатын Бэрэссэдээтэлин солбуйааччы Сергей Местников мунньах саҕаламмытынан киирии тылы эттэ. Кини Ил Дархан «Oлохтоох табаары оҥорон таһаарыыны сайыннарар туһунан» стратегическай ыйаахха илии баттаабытын туһунан эттэ. Салгыы тылы миниистир Артем Александров ылан, тыа хаһаайыстыбатын сүрүн көрдөрүүлэригэр тохтоото. Кини бэлиэтээбитинэн, ааспыт сылга тыа хаһаайыстыбатын оҥорон таһаарыытын кээмэйэ 33 млрд 171 мөл. солк. тэҥнэспит. Миниистир кэпэрэтииптэргэ сыһыаннаан отчуот боппуруоһугар тохтоото. Үгүс ыйытыылары биэрдилэр. Ордук Ил Түмэн норуодунай дьокутаата Александр Атласов кэпэрэтииптэргэ сыһыаннаах ыйытыылары биэрдэ.
Салгыы РФ сенатора Егор Борисов, “Агроконтроль” тыа хаһаайыстыбатын кэпэрэтииптэрин сойууһун ревизиялыыр сойууһун бэрэсидьиэнэ Андрей Морозов тыл эттилэр.
Сэбиэт ааспыт сыллааҕы үлэтин уонна 2024 сылга Сэбиэт мунньахтарын үлэлэрин туһунан “Саха Өрөспүүбүлүкэтин агробырамыысыланнаска комплексын ресурсанан хааччыйыыга киинэ” СӨ судаарыстыбаннай казеннай тэрилтэтин дириэктэрэ Семен Плотников иһитиннэрии оҥордо.
Маны сэргэ биһиги өрөспүүбүлүкэбит усулуобуйатыгар тыа хаһаайыстыбатын кэпэрээссийэтин тиһигин хайдах тупсарар туһунан Арассыыйа Наукаларын академиятын Саха сиринээҕи Сибиирдээҕи салаатын – М.Г.Сафронов аатынан тыа хаһаайыстыбатын Саха сиринээҕи научнай-чинчийэр институтун дириэктэрэ Михаил Черосов санаатын атастаста.
20-с үйэ буурҕаларын тулуйбут, уот ардаҕы түөстэригэр тоһуйбут, саах сыбахтаах балаҕантан таас дьиэҕэ көһүүнү, олох…
Ыам ыйын 11 күнүгэр “Федерация толорор былааһын тутулун туһунан” РФ Бэрэсидьиэнин ыйааҕа таҕыста. Саҥа тутулунан…
Социальнай ситимнэринэн киин куоракка Николай Щорс аатынан күөл аттыгар массыына оҕолору түҥнэри көппүтүн туһунан киэҥник…
Бу оскуола маҥнайгы сыбаайатын түһэрэллэригэр суруналыыстар халыҥ кэккэлэригэр баарым. Аҕыйах сыл иһигэр дьэндэйэн тахсыбыт оскуола…
2024 сылга оҕуруот аһын олордуунан дьарыктанааччыларга куйаар ситимиттэн сүбэлэри түмэн, ый халандаарын (лунный календарь) таһаарабыт.…
Биһиги, сахалар, айылҕа оҕолоробут, Айыыларга, иччилэргэ итэҕэйэр, сүгүрүйэр буоламмыт, булгуруйбат санаалаахпыт, тостубат тулуурдаахпыт диэн разведка…