Тыа хаһаайыстыбатын миниистирэ «Былаастыын кэпсэтии» араадьыйа эпииргэ кыттыаҕа

Бээтинсэҕэ, алтынньы 10 күнүгэр, күнүс 13:05 чааска «Саха» НКИХ «Тэтим» араадьыйатын (FM 107,1) быһа эпииригэр «Былаастыын кэпсэтии» биэриигэ СӨ Тыатын хаһаайыстыбатын уонна ас-үөл бэлиитикэтин миниистирэ Артем Александрович Александров кыттыаҕа.

Миниистир тыа хаһаайыстыбатын түмүктэрин кытта билиһиннэриэҕэ. Өрөспүүбүлүкэ аграрнай комплексыгар сүрүн суолталаах тиэмэлэр таарыллыахтара: сүөһүнү уонна сылгыны кыстыкка бэлэмнээһин, үүтү соҕотуопкалыыр, аграрийдарга өйөбүл миэрэлэрэ, ол иһигэр халаан уутун содулугар түбэспит Өймөкөөн улууһун хаһаайыстыбаларыгар көмөнү тэрийии.

Бу уонна да атын сытыы боппуруостар туһунан Артем Александров быһа эпииргэ бэйэтэ кэпсиэҕэ. Араадьыйаны истээччилэр ыйытыыларгытын «Былаастыын кэпсэтии» биэриии кэмигэр устуудьуйа 8 (4112) 32-00-66 уонна 32-11-66 нүөмэрдэригэр эрийэн биэриэххитин сөп. Быһа эпииргэ киирбэккэ хаалбыт ыйытыылар биэрии кэнниттэн кыттааччыга тус тиэрдиллиэхтэрэ.