Тыа хаһаайыстыбатын миниистирин солбуйааччы Сахаяна Павлова Таатта улууһугар үлэлээтэ

Бэҕэһээ, атырдьах ыйын 22 күнүгэр, тыа хаһаайыстыбатын миниистирин солбуйааччыта  Сахаяна Павлова  Таатта улууһугар үлэлээтэ.

Бу туһунан улуус баһылыга Айаал Бурцев бэйэтин телеграм-ханаалыгар иһитиннэрдэ:

— Миниистир солбуйааччыта Сахаяна Павлованы кытта   улуус  тыатын хаһаайыстыбатын үлэтин күүһүрдэр сыалтан, мелиорация үлэһиттэрин кытары холбоһон, Уолба нэһилиэгэр тахсан, «Уолба» ТХПК үлэтин кытта билистибит. Ол курдук, бааһынаҕа тахсан эбиэс ыһыытын үүнүүтүн, Сайылык күөлүн насоснай ыстаансыйатын, ходуһалары, бааһыналары кэрийэн көрдүбүт.

 2025 сылга улуус тыа хаһаайыстыбатын былааннарын, улуус өттүттэн үбүлээһини кэпсэттибит уонна сиһилии быһаарсарга Дьокуускайга министиэристибэ мунньаҕар бэйэбит этиилэрбитин туруорсарга болдьоһон тарҕастыбыт.