Тыа хаһаайыстыбатын оҥорон таһаарыытын кээмэйэ балтараа төгүл улаатыаҕа

Саха сиригэр олохтоох тыа хаһаайыстыбатын табаары оҥорооччуларын өйөөһүҥҥэ өрүү былааннаах үлэ барар.

Холобур, үүтү соҕотуопкалааһыҥҥа уонна ынах сүөһү ахсаанын элбэтиигэ үбүлээһинэ 7 миллиард солкуобайга тиийбит. Бу туһунан СӨ ситэриилээх былааһын түмүктүүр отчуотун кэмигэр Бырабыыталыстыба Бэрэссэдээтэлин солбуйааччы Сергей Местников бэлиэтээтэ.

«Ааспыт сыл түмүгүнэн үүтү соҕотуопкалааһыҥҥа уонна ынах сүөһү ахсаанын субсидиялааһыҥҥа үбүлээһинэ 7 миллиард солкуобайга тиийбитэ»,- диэн Саха сирин вице-премьерэ санатта.

Тыа хаһаайыстыбатыгар сүрүн сыалынан Сергей Местников нэһилиэнньэни хаачыстыбалаах олохтоох бородууксуйанан хааччыйыыны ааттаата.

«Хас биирдии Саха сирин олохтооҕун остуолугар хаачыстыбалаах олохтоох бородууксуйа баар буолуохтаах. Саха сирин аҕа баһылыга ааспыт сылга 2030 сылга диэри үлэ секторын быһаарар ыйаахха илии баттаабыта. Күүстэх сыал труорулунна – олохтоох бородууксуйа кээмэйин балтараа төгүл улаатыннарыы. Бу сыалы ситиһиигэ биһиги үлэбитин хайысхатын торумнуубут», — диэтэ Сергей Местников.