Хаартыска: Сахагов.ру
Өрөспүүбүлүкэ үбүн миниистирин эбээһинэһин толорооччу Иван Алексеев «Актуальное интервью» биэриигэ тыа хаһаайыстыбатыгар үбүлээһин суумата, бастакы ааҕыыга аҕыйах харчы көрүллүбүтүн үрдүнэн, былырыыҥҥы таһымыгар хаалыаҕын туһунан эттэ.
«Бастакы ааҕыыга тыа хаһаайыстыбатыгар үбүлээһин былырыыҥҥытааҕар намтаата диэн үгүс киһи долгуйда. Бу сыл аайы маннык буолар: бастакы ааҕыыга чопчу суума көрүллэр, онтон иккис ааҕыыга тыа хаһаайыстыбатыгар эбии үп көрүллэр. Эһиил көрүллэр үп быйылгыттан кырата суох буолуо диэн сабаҕалыыбыт», — диэн бэлиэтээтэ Алексеев.
Санатар буоллахха, 2026 сыллааҕы уонна 2027-2028 сыллааҕы былаанныыр кэмҥэ Саха сирин бүддьүөтүн алтынньы 22 күнүгэр Судаарыстыбаннай Мунньах (Ил Түмэн) пленарнай мунньаҕар өрөспүүбүлүкэ норуот дьокутааттара бастакы ааҕыыга ылыммыттара.
Кэлэр нэдиэлэҕэ уларытыылары сөбүлэһии хамыыһыйалара дьүүллэһиэхтээхтэрэ. Ил Түмэн бүддьүөтү сэтинньи 26 күнүгэр пленарнай мунньахха иккис ааҕыыга көрүөҕэ.
Сиһилии: https://www.sakha.gov.ru/news/15463
Саҥа дьыл түүнүгэр Дьокуускайга быстах кэмҥэ 100н нүөмэрдээх босхо оптуобус маршрута үлэлиэҕэ диэн санатан суруйабыт.…
Дьокуускай борокуратуурата 33 саастаах дьахтарга тэриллибит холуобунай дьыалаҕы буруйдааһыны бигэргэттэ. Бу туһунан СӨ Борокуратууратын телеграм-ханаалыгар…
Илиҥҥи халандаарынан үүнэр 2026 сыл Уот кыһыл ат сыла дииллэр. Сахалар сылгынан билгэлэрэ үгүс. Онтон…
Саха сиригэр устудьуоннар оҥорбут спутниктара -- "Чолбон" аппараат космоска тахсан, бастакы сигналын биэрдэ, баарын биллэрдэ.…
Бэҕэһээ социальнай ситимнэринэн Дьокуускай куорат ЯКСМК оройуонугар "пробкаҕа" тохтоон турар массыынаттан эр киһи тахсан, илиитигэр…