Хаартыска: Валерий Николаев ТГ-ханаалыттан.
Үөһээ Бүлүүгэ СӨ тыа хаһаайыстыбатын миниистирэ Артем Александров уонна СӨ сир мелиорациятын управлениетын салайааччыта Дмитрий Махаров тэриллиилээх хаһаайыстыбалар үлэлэрин, оттооһун хаамыытын билистилэр.
Бу туһунан улуус баһылыга Валерий Николаев бэйэтин телеграм-ханаалыгар сырдатта:
— Улуустааҕы мелиорация управлениетын салайааччыта Афанасий Бырдакаровы кытта Тамалакаан нэһилиэгэр «Арыылаах» сиригэр баар регулятор сааххалламмытын көрдүбүт. Тэрилгэ хапытаалынай өрөмүөн ирдэнэр. Тамалакаан нэһилиэгэр Иван Барчахов тэриллиилээх хаһаайыстыбатын бааһынатыгар 24 га сиргэ бурдук үүнүүтүн көрдүбүт. Быйыл сайын от үлэтэ этэҥҥэ бара турарынан, сотору кэминэн сенаж атыыга тахсыаҕа.
СӨ тыа хаһаайыстыбатын миниистирэ Артем Александров уонна СӨ сир мелиорациятын управлениетын салайааччыта Дмитрий Махаров Харбалаах нэһилиэгэр «Тэҥэлилээх» ньүөлсүтүллэр оттуур ходуһатын көрдүлэр. Ходуһа 80% ууга сытар. Салгыы «Булгунньахтаах» тэриллиилээх хаһаайыстыбата быйыл кыра кыамталаах хотон тутуутун бырагыраамматыгар кыттаары тутта сылдьар хотонун көрдүбүт. Нам нэһилиэгэр «Сайдыы» кэпирэтиип урукку И.Н. Барахов аатынан сопхуос киинин эргэ хотонун саҥардыыга үлэ ыыта сылдьар. Бу сайын «Сайдыы» хаһаайыстыбата 96 ыанар ынаҕы атыылаһан, Хаҥалас улууһуттан аҕалбыта. Билиҥҥи туругунан 111 ыанар ынах 165 тонна үүтү биэрэн турар. Сүөһү Нам нэһилиэгэр Дьоло сайылыгар сайылыыр.
Сиһилии https://t.me/ValeriNikolaev/3168?single сигэнэн билсиҥ.
Хатас норуодунай тыйаатыра Арассыыйа норуодунай тыйаатырдарыгар аналлаах эрэгийиэннэр икки ардыларынааҕы бэстибээл-күрэххэ кыайан, бу күннэргэ Чукотка…
Благовещенскай куоракка ССРС успуордун маастара Алексей Ковалев кэриэһигэр көҥүл тустууга Бүтүн Арассыыйатааҕы турнир буолан ааста.…
''Сэргэлээх уоттара'' култуура киинигэр ахсыс төгүлүн ыытыллар "Үрүҥ хаар алгыһа" норуоттар икки ардыларынааҕы бэстибээл өрө…
Өрөспүүбүлүкэ бырабыыталыстыбатын бэрэссэдээтэлин солбуйааччы Ольга Балабкина СӨ Төрүт сокуонугар киирэр көннөрүүлэр киһи быраабын, ол иһигэр…
Бу сыл ахсынньытыттан дойду үрдүнэн биир киһи илдьэ сылдьар баан каартатын ахсааныгар хааччахтары олохтуохтарын сөп.…
Ил Дархан Айсен Николаев бүгүн, алтынньы 14 күнүгэр, VIII Норуоттар икки ардыларынааҕы «Үрүҥ хаар алгыһа»…