Хаартыска: seloschool-mk.ru
Бүгүн, от ыйын 9 күнүгэр, Мэҥэ Хаҥалас улууһун Майа сэлиэнньэтигэр «Тыа оскуолата & Үөрэх маарката» өрөспүүбүлүкэтээҕи педагогическай дьаарбаҥка саҕаланна.
Дьаарбаҥка улуус уонна муниципальнай тэриллиилэр социальнай-экэнэмиичэскэй сайдыыларын усулуобуйатыгар үөрэх тэрилтэлэрин сайыннарар суоллары тобуларга кыттааччылары түмэр сүрүн сайыҥҥы тэрээһин буолар. Дьаарбаҥкаҕа араас үлэ бырагыраамата ыытыллар, ол иһигэр ырытыы былаһааккалара, төгүрүк остуоллар, «Сделано в СПО» билиһиннэрии былаһаакката, бырайыак сиэссийэлэрэ, маастар-кылаастар уонна өрөспүүбүлүкэ учууталлара уопуттарын уонна санааларын атастаһар кэпсэтии былаһааккалара үлэлиэхтэрэ.
Үгэс быһыытынан Уустар дэриэбинэлэрэ баар буолуоҕа — манна хас биирдии киһи прикладной ускуустуба эйгэтигэр умсугуйан, маастар-кылаастарга сылдьан, айар лабораторияларга кыттан, бэйэтин кыахтарын арыйан саҥа идиэйэлэргэ угуйуллуоҕа.
Дьаарбаҥкаҕа кыттар учууталларга идэтийбит уопуттарын эрэ байытар буолбакка, үөрэх хаамыытыгар саҥалыы ньымалары буларга бэртээхэй кыах биэриэҕэ. Дьүүллэһии былаһааккаларынан көрсүһүүлэргэ уонна төгүрүк остуолларга санаа атастаһыылара ситимнээх буолуу сайдыытыгар уонна үөрэх эйгэтигэр бииргэ үлэлээһиннэр үөскүүллэригэр көмөлөһүөҕэ.
«Тыа оскуолата & Үөрэх маарката» өрөспүүбүлүкэтээҕи педагогическай дьаарбаҥка көхтөөх кэпсэтии уонна аныгы үөрэхтээһин соруктарыгар хоруйдары бииргэ көрдөөһүҥҥэ саҥа платформата буолар. Тэрээһин кыттыылаахтара билиҥҥи кыһалҕалары дьүүллэһэр эрэ буолбакка, улууска уонна муниципальнай тэриллиилэргэ үөрэх хаачыстыбатын тупсарыыга бэйэлэрин санааларын, быһаарыыларын туруорсар кыахтаналлар.
Бүгүн, балаҕан ыйын 5 күнүгэр, Владивостокка Илиҥҥи экэнэмиичэскэй пуорум өрө көтөҕүллүүлээхтик, сэргэхтик ыытылынна. Суолталаах тэрээһин…
Дьокуускай пааркатыгар сааһын ситэ илик кыыска сокуоннайа суох дьайыы туһунан иһитиннэрии олоҕо суоҕа билиннэ. Балаҕан…
СӨ ОДьКХ уонна энэргиэтикэ миниистирэ Вячеслав Емельянов быһа эпииргэ Нерюнгри оройуонугар Чульман бөһүөлэгин сылааһынан хааччыйыы…
Сайыҥҥы сынньалаҥ бүтэн, үөрэх дьыла саҕаламмытынан, култуурунай олох күөстүү оргуйан барда. Ол курдук, Дьокуускайга Санкт-Петербуртан…
Биһиги, бииргэ үөрэммиттэр, төһө да сааһырбыппыт, бары атын-атын улууска, нэһилиэккэ олорбуппут иһин, сибээһи ыкса тутабыт. …
Арассыыйа Дьоруойдара Николай Соболев уонна Дмитрий Куценко "Дьоруойдар кэмнэрэ" каадыр бырагырааматын чэрчитинэн Илиҥҥи экэнэмиичэскэй пуорумҥа…