Хаартыска: sakha.gov.ru
Семен Данилов аатынан Бэрдьигэстээх орто оскуолатын 750-тан тахса үөрэнээччитэ күһүҥҥү сынньалаҥ кэнниттэн, “Үөрэх” национальнай бырайыак иитинэн тутуллубут саҥа оскуола паартатыгар олордулар. Үс мэндиэмэннээх 7 тыһ. кв.м. тахса иэннээх оскуола өрөспүүбүлүкэ тыатын сирин саамай улахан кыһатынан буолар.
Бэрэсидьиэн Владимир Путин көҕүлээн олоххо киирбит “Үөрэх” национальнай бырайыак оҕолор кыахтара арылларыгар тэҥ усулуобуйаны тэрийэр соруктаах. Ил Дархан Айсен Николаев этэринэн, дойду бэрэсидьиэнэ ыытар бэлиитикэтигэр олоҕуран улуустарга, куораттартан итэҕэһэ суох хаачыстыбалаах социальнай эбийиэктэр тутуллаллар.
“Оскуолаҕа хас биирдии оҕо сайдарыгар табыгастаах услуобуйа тэрилиннэ. Төрөппүттэр уонна оҕолор олус үөрэллэр. Кэлэктиип, үөрэнээччилэр уонна төрөппүттэр ааттарыттан үөрэх бу кыһата тутулларыгар кылааттарын киллэрсибит дьоҥҥо барыларыгар махталбытын биллэрэбит”, — диэн оскуола дириэктэрин эбээһинэһин толорооччу Руслан Семенов этэр.
Бэрдьигэстээх орто оскуолата үөрэх эйгэтигэр өрөспүүбүлүкэ, Арассыыйа араас куонкурустарын хас да төгүллээх кыайыылааҕа. Бу иннинэ оҕолор эргэ дьиэҕэ үөрэнэллэрэ. Үөрэх саҥа комплекса аһаҕас стадионнаах, оҕолорго аналлаах былаһааккалаах, икки спортивнай саалалаах, актовай уонна кэмпириэнсийэлиир саалалардаах, мастарыскыайдардаах, алын тиэхиньиичэскэй моделирование уонна робототехника кэбиниэттээх. “Үүнүү туочуката” сыыппара уонна гуманитарнай компетенциялар киинэ уонна үөрэх сыыппаратын эйгэтэ аһыллыбыта. Спортивнай саала уонна мэдиссиинэ кэбиниэтэ тэрилинэн олоччу хааччыллыбыттара.
10 “А” кылаас үөрэнээччитэ, “Басхан-2023” өрөспүүбүлүкэтээҕи дьыалабыай оонньуу кыайыылааҕа Дьулус Андреев этэринэн, оҕолор оскуолаҕа күн ахсын үөрүүнэн кэлэллэр, оскуолаттан тахсыбакка эрэ кылааһы таһынан айар куруһуоктартан саҕалаан успуорт сиэксийэтигэр тиийэ дьарыктанар кыахтаахтар.
Үөрэх кэбиниэттэрэ интерактивнай дуосканан, камеранан уонна аппаратуранан, лабаратыарыйаларынан, уруоктары, видео-кэмпириэнсийэлэри, вебинардары ыытарга аналлаах тэрилинэн хааччыллыбыттар.
“Балаҕан ыйын 1 күнүттэн саҥа оскуолаҕа үөрэнэбит. Оскуолабыт киэҥ, сырдык, кырасыабай. Кэбиниэттэр бары тэрилинэн, ирдэнэр матырыйаалынан хааччыллыбыттар. Олус элбэх экспонат баарыттан үөрэбит. Учуутал үлэлиир остуола олоччу хааччыллыбыт, камера, проектор, интерактивнай дуоска, о.д.а. барыта баар. Бу курдук баҕа санаа оскуолата үлэҕэ киирбитинэн тутааччыларга, салалтаҕа махталбытын тириэрдэбит”. – диэн алын кылаас учуутала, РФ Бэрэсидьиэнин гранын хаһаайына Марианна Николаева санаатын үллэстэр.
Дойду бэрэсидьиэнэ Владимир Путин 2019 сыллаахха көҕүлээн олоххо киллэрбит “Үөрэх” национальнай бырайыак чэрчитинэн, 5 сыл устата Саха сиригэр 7170 үөрэнээччигэ аналлаах 31 оскуола тутулунна. 2024 сыл түмүктэниэр диэри 50 оскуола буолуохтаах, бу 13 260 үөрэх миэстэтин тэрийэри хааччыйыаҕа.
Ил Дархан уонна Бырабыыталыстыба пресс-сулууспата.
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…
2025 сыл талааннаах бастыҥ ыччатынан Эрхаан Слепцову ааттыыбыт. “Айхал” диэн Дьулусхан Андросов таһаарбыт сахалыы киинэҕэ…