Хаартыска Сунтаар улууһун дьаһалтатын ханаалыттан
Сунтаар улууһугар «Тыа сирин кэлимник сайыннарыы» федеральнай бырагырааманан бырамыысыланнай тэрилтэ үлэһиттэрэ, уопсайа 6 ыал саҥа дьиэҕэ киирдэ. Бу туһунан Сунтаар улууһун дьаһалтата иһитиннэрэр.
«Сунтарцеолит» тэрилтэ чоҕу, цеолиты хостооһунунан уонна дьиэни-уоту тутуунан дьарыктанар улахан бырамыысыланнай тэрилтэнэн буолар. Кинилэр үлэһиттэрин олорор усулуобуйаларын тупсарар туһугар СӨ тыа хаһаайыстыбатын министиэристибэтин анал бырагырааматыгар киирэн алта чааһынай дьиэни тутан үлэҕэ киллэрдилэр.
Тупсаҕай көстүүлээх, аныгы ньыманан тутуллубут дьиэлэр Өтөөкү уонна САССР 100 сыла түөлбэлэригэр тутулуннулар. Хаһаайыттар кимнээҕий диир буоллахха, икки тырахтарыыс, икки улахан уйуктаах тиэхиньикэ суоппардара уонна икки хонтуора үлэһитэ саҥа дьиэ күлүүһүн туттулар. Кинилэр бары ыал амарах аҕалара буолаллар.
Саамай улахана 120, кырата 74 квадратнай миэтэрэ иэннээх дьиэлэр тэрилтэ бэйэтэ оҥорон таһаарар пеноцеолит блогунан тутулуннулар. Маны тэҥэ, үрдүк хаачыстыбалаах матырыйааллар туһанылыннылар. Кэрэхсэнэрэ диэн, сылаас муосталаах. Хаһаайыттар -50 кыраадыска атах сыгынньах сылдьабыт диэн үөрүүлэрин үллэстэллэр.
Бу курдук күүстээх үлэҕэ сылдьар тыа сирин дьоно тупсаҕай, сылаас, киэҥ-куоҥ дьиэҕэ олорон үлэни-хамнаһы өссө үрдүк таһымҥа таһаарыахтара.
СӨ Норуоттарын төрүт култууратын күнүн иитинэн Дьокуускайга “Гармония языков и величие традиций” тэрээһин ыытыллыаҕа. Тэрээһин…
Күн астрономиятын лабораторията иһитиннэрэринэн, ахсынньы 4 күнүгэр Саха сиригэр, чуолаан Дьокуускай эргин 2 бааллаах магнитнай…
Көрсүһүү кэмигэр Ил Дархан Айсен Николаев уонна РФ үп миниистирэ Антон Силуанов бүддьүөккэ сыһыаннаах тирээн…
Төһө да бу киинэ премьерата көстүбүтэ ырааппытын иһин, санаабын бар дьоннуун үллэстиэхпин баҕарабын. Көрбүт дьон…
Саха сирин тирэх пууннарын сүрүн координатора "Юстас" иһитиннэрбитинэн, ДНӨ тирэх пуун өрөмүөннүүр бөлөҕүн мэхээнньиктэрэ биир…
Күн-дьыл туруга бу күннэргэ хайдаҕый? Күнү-дьылы кэтээн көрөөччүлэр иһитиннэрэллэринэн, бу күннэргэ өрөспүүбүлүкэ арҕаа, соҕуруу, илин,…