Хаартыска:СИА
53 саастаах Игорь Никулин үйэ чиэппэриттэн ордук Абый оройуонун Абый сэлиэнньэтигэр дьэрэкээн өҥнөөх хаар оҥоһуктары оҥорор.
Оҕолору үөрдээри эр киһи кэлэр сыл бэлиэтин, остуоруйа, ойуулук персонажтарын хаарынан оҥорор. Быйыл дьиэтин таһыгар учаастакка 2025 сыл бэлиэтин — Моҕойу киэргэтэн туруорбут. Бу туһунан СИА суруйар.
– Моҕой фигуратын үс күн иһигэр оҥордум. Бастаан бэйэм учаастакпыттан хаары хомуйбутум. Быйыл хаар кыра түспүт буолан, кыралаан өр муспутум. Хаар фигуратын оҥорон таһаарарга саамай сүрүнэ диэн хаар дьапталҕаланан кытаанах буолуохтаах. Ол кэннэ моҕойу колерынан кырааскалаабытым. Таһырдьа -25С кыраадыс тымныыга үлэлээбитэ. Быйыл олус сылаас күн-дьыл турар.
– Сылын аайы биһиги сэлиэнньэбитигэр ойуулуктар, остуоруйалар персонажтарын хаар фигураларын оҥоробун. Мин оскуола иннинээҕи үөрэхтээһин учууталынан, иитээччинэн үлэлээбитим уонна саҥа дьыл туох долгутуулаах, эрэллээх, алыптаах бырааһынньык буоларын билэбин. Мин дьиэ кэргэммэр учуутал идэлээхтэр элбэхтэр. Биһиги оҕолорбутун үтүөҕэ, кэрэҕэ үөрэтэргэ кыһаллабыт.
25-тэн тахса сыл хаар фигураларын оҥоробун. Сороҕор бириэмэ тиийбэт, сиэммин кытта олоробун, ол гынан баран, ол тухары биир да сылы көтүппэтэҕим. Бу мин маннык сынньанабын, дуоһуйууну ылабын. Мин үлэлэрбинэн фотоальбом тэрилиннэ. Кинилэр ортолоругар 2013 сыллааҕы Моҕой хаар фигурата баар. Онтум олох уратылаах.
– Мин мэлдьи ойуулуктары көрөбүн, төбөбөр уус-уран уобарастар хаалларынабын. Хаар фигураларын үксүн дьиэбэр, оҕо уһуйааныгар уонна тыа кулуубун таһыгар туруорабын, ардыгар биир дойдулаахтарым персонаж оҥорорго көрдөһөллөр. Дьон олус сөбүлүүр, видеоҕа устар. Мин фигураларым сааска диэри тураллар.
Бүгүн, ахсынньы 8 күнүгэр, Дьокуускай куоракка былааннаммыт суһал өрөмүөн үлэлэрэ ыытыллалларынан, сорох аадырыстарга быстах кэмҥэ…
Бэнидиэнньиккэ, ахсынньы 8 күнүгэр, Сир магнитосферата бигэ туруга суох. Бу күн магнитнай буурҕа буолар сабаҕалааһына…
Бу нэдиэлэҕэ Сатурн уонна Нептун планеталар утарыта туруулара күүһүрүө. Ол аата, баҕа санаабыт уонна олох…
Саха сирин синоптиктарын сабаҕалааһынынан, бүгүн, ахсынньы 8 күнүгэр, өрөспүүбүлүкэ үгүс өттүгэр хаардыыр. Бу туһунан Саха…
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…