Тыараһа оскуолатыгар үлэһиттэр хамнастарыттан сокуоннайа суох харчы тутуллубут

Таатта оройуонун борокуратууратын ирдэбилинэн үлэһиттэр хамнастарыттан сокуоннайа суох харчы тутуллубута төннөрүлүннэ. Бу туһунан СӨ Борокуратууратын пресс-сулууспата иһитиннэрэр.

Ол курдук, М.Н. Турнин аатынан Тыараһа оскуолатыгар «Манчаары оонньуулара» успуорт национальнай көрүҥнэригэр ХХІ Спартакиадатын ыытыыга 266 тыһ. солк. тахса суумалаах үлэһиттэр хамнастарыттан сокуоннайа суох харчыны туппуттар.

Үлэ быраабын көмүскүүр сыалтан борокуратуура хамнаһы төлөөһүҥҥэ ирдэбил ыыппыт уонна оскуола дириэктэригэр административнай дьыаланы тэрийбит.

Ылыныллыбыт дьаһаллар түмүгүнэн үлэһиттэргэ хамнастара төлөннө уонна толуйуу төлөбүрэ оҥоһулунна. Буруйдаах ыстараап быһыытынан административнай эппиэтинэскэ тардылынна.