Хаартыска: Елена Потоцкая
Бүгүн күн бастакы аҥаарыгар СӨ Бырабыыталыстыбатын солбуйааччы Сергей Местников
салайар бөлөҕө Таатта улууһун
Тыараһа нэһилиэгэр ситэриилээх былаас отчуотун ыытта.
760 киһи олорор нэһилиэгэ бэрт сэргэх олохтооҕун аҕыйах түгэҥҥэ кэлбит да киһи тута сэрэйэр. Сып-сылаас, уурбут-туппут курдук оҥоһуулаах кулуупка элбэх киһи мустан, отчуот лоп-бааччы бириэмэтигэр саҕаланна.
Мунньахха кэлбит дьон Бырабыыталыстыба Бэрэссэдээтэлин солбуйааччы Сергей Местников тыа сирин олохтоохторугар өрөспүүбүлүкэ салалтата ааспыт сыллааҕы ыыппыт үлэтин кумааҕыта суох, бэйэтин тылынан кэпсээбитин бэркэ сэргээн иһиттилэр. Онтон сыыйа олохтоох кэпсэтии саҕаланна. Тыараһа олохтооҕо Александр Сивцев Хаҥалас хапсаҕайын, Чурапчыга ыытыллыбыт мадьынылар күрэхтэһиилэрин курдук дьон интэриэһин тардыбыт успуорт тэрээһиннэрин тоҕо Саха тэлэбиидэнньэтэ көрдөрбөтөҕүн, сайын буолуохтаах Манчаары оонньууларын улуустарга олорор дьоҥҥо хайаан да көрдөрөр наадатын эттэ.
Сергей Местников «Саха» НКИХ бары суолталаах тэрээһиннэри быһа эпииргэ көрдөрөрүн быһыытынан, Хаҥалас хапсаҕайын тэрийээччилэригэр тахса сылдьыбытыгар бэйэлэрин социальнай ситимнэригэр сурутааччыны элбэтэр сыалтан аккаастаммыттарын эттэ. Оттон Чурапчыга ыытыллыбыт тэрээһини «Саха» НКИХ «Мамонт» ханаалыгар көрдөрбүттэрин бэлиэтээтэ.
«Мантан инньэ успуорт суолталаах тэрээһиннэрэ — өрөспүүбүлүкэ салалтатын ыытар бэлиитикэтэ буоларынан сибээстээн, спортивнай федерациялары кытта кэпсэтиэхпит. Бары тэрээһиннэр «күөх экран» нөҥүө хайаан да көстүөхтээхтэр. Манчаары оонньуулара тэлэбиисэринэн быһа көстүөхтэрэ» диэн эттэ.
1969 сылтан үлэлиир Тыараһатааҕы коррекционнай оскуола дириэктэрэ Анфиса Никифорова саҥа оскуола тутуутун туһунан боппуруоһу көтөхтө. Кини «оскуола сабыллыан сөп» диэн сураҕы истэн, долгуйарын биллэрдэ. Оннук балаһыанньа үөскүүр түбэлтэтигэр, Кыйы оскуолатын оҕолорун 50 бырыһыана — коррекционнай оскуола үлэһиттэрин оҕолоро. Онон үлэ суоҕуттан төрөппүттэр көстөхтөрүнэ саҥа таас оскуола оҕотун ахсаана аҕыйыы түһэр. Ити курдук, бэйэ-бэйэтин кытта ыкса сибээстээх боппуруос тахсан иһэр эбит.
Бырабыыталыстыба отчуотугар оскуола, Култуура дьиэтин үлэһиттэрэ, үлэ бэтэрээннэрэ уо.д.а. бэрт үгүс кинилэри долгутар боппуруостары биэрдилэр, санааларын тиэртилэр.
Ситэриилээх былаас отчуотун ыытар Сергей Местников бары боппуруостарга тустаах хоруйу биэрдэ.
Бу салааты биирдэ амсайбыт киһи умнубат, астына-дуоһуйа сиир аһа. Сайыҥҥы чэпчэки, ол эрээри тотоойу уонна…
Таатталар «Манчаар онньууларын» кэмигэр "Тааттаҕа оҥоһулунна" диэн анал быыстапканы тэрийдилэр. Бу туһунан Дьокуускай куорат олохтооҕо…
Балыксыт күнүн көрсө СӨ Тыатын хаһаайыстыбатын уонна ас-үөл бэлиитикэтин Хоту дойду төрүт салааларын сайыннарыыга уонна…
Госдуумаҕа «Сиэрдээх Арассыыйа— Кырдьык иһин» фракциятын дьокутааттара үлэ миниистирэ Антон Котяковка этии ыыттылар. Бэлиитиктэр сиэннэрин…
Арассыыйаҕа 60-тан үөһэ саастаах суоппардарга сыһыаннаах быраабылалары кытаатыннарарга этии киллэрдилэр. Бу туһунан 2030 сылга диэри…
Таатта улууһугар Ытык Күөлгэ "Манчаары оонньууларынан" бүгүн ыытыллыбыт хотугу дэгит күрэс кыайыылаахтара быһаарылыннылар. Хотугу дэгит…