Хаартыска: pxhere саайтан
Бэҕэһээ социальнай ситимнэргэ Кэбээйигэ отоннуу сылдьар үс дьахтарга алта эһэ саба түспүт, биир дьахтары атаҕын эрэ хаалларбыттар диэн дьулааннаах сурах тилийэ көппүтэ.
Оннооҕор өрөспүүбүлүкэбит биллэр-көстөр, ытыктанар дьоннорун “өлөрөр” социальнай ситими бу да сырыыга итэҕэйбиттэрэ бэрдэ эбитэ дуу эбэтэр киһи аньыырҕаан да, ыытыа суох сонунун көр-күлүү оҥостон ыытыспыттара эбитэ дуу. Эмиэ өрөспүүбүлүкэни саба сүүрэн кэбиспитэ.
Сурах оруннааҕын дуу, суоҕун дуу билээри, Кэбээйитээҕи судаарыстыбаннай экология инспекциятын ыстаарсай инспектора Елена Беленковаттан ыйыталастыбыт. Кини социальнай ситиминэн маннык сурах кэлээтин кытта, нэһилиэктэр дьаһалталарыгар эрийэн ыйыталаспыттарын, сымыйа сурах буоларын бигэргэттэ. Онон итирик туруктаах дьон «шуткалаабыттар» диэн буолбут. Итинник хас аһааһын кэнниттэн буолар-буолбат сонуннары социальнай ситиминэн ыыта-ыыта алларастаһар, дьону да уолутар, тустаах үлэлээх дьону да аралдьытар көкөттөрү булан дьүүлгэ тардыахха наада.
Урут кырдьаҕас дьон, эн тугу саҥараргын тыатааҕы барытын истэ сылдьар дииллэрэ.
Дьокуускайга полицейскайдар «Автодорожнай факультет» сылаас оптуобус тохтобулун павильонугар аймалҕаны тарпыт оҕолор кимнээхтэрин быһаардылар. Кинилэр үс…
Нам улууһун Хатыҥ Арыы нэһилиэгэр байыастар дьиэ кэргэттэрин өйүүр “Своих не бросаем” бүтүн улуустааҕы аахсыйа…
Ааспыт нэдиэлэҕэ СӨ Тыатын хаһаайыстыбатын уонна ас-үөл бэлиитикэтин министиэристибэтэ (миниистир А.Александров) “Саха сирин балыга” быыстапка-дьаарбаҥканы…
Алтынньыга сууккаҕа ортотунан MAX мессенджеры туһанааччы ахсаана 19 мөлүйүөн киһиттэн таҕыста. Рекорднай көрдөрүү алтынньы 22…
Саҥа арыллыбыт “Цифровой психолог” онлайн-сиэрбис көмөтүнэн уйулҕа исписэлиистэриттэн, кинилэргэ кэлбэккэ эрэ, ыраахтан олорон сүбэ-ама ылыахха…
Сэбиэскэй сойуус ыһыллыар диэри эдэрдиин, кырдьаҕастыын бары бииргэ Хомсомуол күнүн ньиргиэрдээхтик, өрө көтөҕүллэн туран бэлиэтиирбит.…