Тыатааҕы “Бигэ” хаһаайыстыбаҕа таарыйбыт

Дьиикэй кыыллар  күн аайы кэриэтэ  дэриэбинэлэр тастарыгар көстөллөрө иһиллэр буолла.

Томпо улууһугар Кириэс-Халдьаайы таһыгар тыатааҕыны көрбүттэр диэн видео социальнай ситимнэринэн тилийэ көттө.

Байаҕантай нэһилиэгин дьаһалтатын баһылыга Лена Дмитриевна Голикова бу тиэмэҕэ маннык хоруйдаата:

— Тыатааҕы “Бигэ” бааһынай хаһаайыстыбатын пиэрмэтигэр бэҕэһээ кэлэ сылдьыбыт. Бу бааһынай хаһаайыстыбаны Харлампьев Виктор Николаевич салайар. Бөһүөлэктэн 3-4 км сиргэ бааллар. Хата, этэҥҥэ барбыт.