Тыатааҕы булчут утуйа сыттаҕына саба түспүт…

Бүгүн социальнай ситиминэн  тыатааҕы киһиэхэ саба түспүтүн туһунан иһитиннэрии тарҕанна. 

Бэҕэһээ, алтынньы  6 күнүгэр,  14:30 чааска Уус Маайаҕа Эдьээнтэн 45 км    Эльбэх диэн сиргэ булчуттар үүтээннэригэр  Ис дьыала министиэристибэтин Уус Маайа оройуонунааҕы  салаатын уонна Уус Маайатааҕы судаарыстыбаннай экологическай надзор иниспиэксийэтин үлэһиттэрэ   киһи өлүгүн булбуттар. Бу туһунан Экология министиэристибэтэ иһитиннэрдэ.

Барыллааһын быһыытынан  булчукка тыатааҕы саба түспүт.  Тыатааҕы түүн түннүгүнэн киирбит. Үүтээни көрүү түмүгэр биллибитэ, булчут саата сейфэҕэ баар эбит.

Билигин тыатааҕы ахсаанын быһаарыыга Экология министиэристибэтин дьаһалынан, алта киһиттэн турар булчуттар биригээдэлэрэ тэрилиннэ.