Видеоттан скриншот
Бары да кыратык оҕо курдук буолан ылар буоллахпыт.
Көрүҥ эрэ, бу «Өлүөнэ очуостара» национальнай пааркаҕа анаан туруоруллубут фотоловушкаҕа чалбахха сыыла сылдьан муннунан хабахтары таһаара оонньуур эһэ уһуллубут.
Кини эмиэ кыратык мэниктээн ылар буоллаҕа. Видеоны киһи эрэ манньыйа көрөр (көһүтүллүбэтэх өртүттэн соһуччу видео!). Бу ыам ыйын бүтүүтүгэр «Морсо» родовой общинаттан ырааҕа суох сиргэ уһуллубут. Санаан кэбиһиҥ: аарыма тыатааҕы кыра чалбаҕы көрөн баран онно астына оонньуурун! Сөрүүкээри буолуо дуу? Дьоруойбут салгыы оонньуур: кыра оҕочоон курдук, чалбаҕар умсугуйан туран, кыһалла-кыһалла сыылар уонна муннунан хабахтары таһаара оонньуур! Арааһа, уу уратытык уоскутар буолуон сөп.
Салгыы астына-дуоһуйа көрүлээбит тайҕабыт хаһаайына бассейҥҥа сөтүөлээн тахсыбыт курдук, абытайдык илгистэн дьигиһитэр. Дьэ, уонна астыммыттыы туттан фотоловушкаҕа утары кэлэр. Бэл, объектив диэки көрөр, хайдах эрэ санааҕа: «Хайа, хайдахпыный?» диэбит курдук.
Видео учаастактааҕы судаарыстыбаннай иниспиэктэр Василий Калитин тиксэриитэ.
#ленскиестолбы
@lenapillarsnationalpark
Ол күн туох да уратыта суоҕа. Маннык буолуо диэн туох да сэрэппэтэх курдуга... От ыйын…
«Саха сирэ – Дьоруойдар дойдулара» каадыры бэлэмниир бырагыраама кыттыылааҕа, эмчит идэлээх, байыаннай дьайыы бэтэрээнэ Назар…
Дьокуускайга уонна өрөспүүбүлүкэ сорох улуустарыгар үлэ нэдиэлэтэ +30 кыраадыска тиийэр куйаас күнтэн саҕаланыаҕа. Саха сиринээҕи…
Этнография археологиялыын быстыспат ситимнээх. Былыргы дьыллары быыһылаан көрүүгэ үгүс арыйыылары археологическай хаһыылар эрэ биэрэр кыахтаахтар.…
Саха сирин хамаандата «Путь воина» Бүтүн Арассыыйатааҕы күрэххэ бэлэмнэниитин саҕалаата. Бу түһүлгэҕэ дойду бары муннуктарыттан…
Дьиэ кэргэҥҥитин баклажантан оҥоһуллар ураты бүлүүдэнэн күндүлээҥ. Баклажан оҕуруот аһыттан оҥоһуллар алаадьы сүрүн ингридиеннэрэ –…