Тыатааҕы Ньүүйэ бөһүөлэгэр киирбит

Ленскэйгэ Ньүүйэ бөһүөлэккэ тыатааҕы киирбит. Итинэн сибээстээн оройуон дьаһалтатыгар олохтоохтору сэрэхтээх уонна ордук болҕомтолоох буоларга сэрэттилэр.

Бу сайын Саха сирин нэһилиэнньэлээх пууннарыгар  тыатааҕы «ыалдьыттыыр» бастакы түбэлтэтэ буолбатах. Адьырҕа кыыллар бөһүөлэктэргэ ойуур баһаардарыттан куотан уонна отоно суох кэм турбутунан киирэллэр. Санаттахха, от ыйыгар Ленскэйгэ бөһүөлэктэн чугас  икки тыатааҕыны бэлиэтии көрбүттэрэ.

Оттон бүгүн Депутатскай бөһүөлэгиттэн чугас тыатааҕы сылдьар хаартыскатын социальнай ситимнэринэн тарҕаттылар. Ол курдук бэҕэһээ, атырдьах ыйын 5 күнүгэр,  Депутатскай бөһүөлэгиттэн чугас «Белазка» суол кытыытыгар тэпилиссэ аттыгар сылдьар тыатааҕыны хаартыскаҕа түһэрэн ыыттылар. Бөһүөлэк дьаһалтата олохтоохтору сэрэхтээх буоларга уонна куттал суох буолуутун быраабылатын тутуһарга ыҥырдылар.

СҮБЭҺИТ: Тыатааҕыны көрүстэххэ…