Тыатааҕыны көрсүбүт түгэҥҥэ тугу гынабыт?

Тыаҕа, айылҕаҕа сылдьан тыатааҕыны көрсүбүт түгэҥҥэ тугу гыныахха сөбүн туһунан Ыксаллаах быһыы-майгы миниистиэристибэтэ маннык тэттик, ол эрээри олус наадалаах сүбэлэри биэрэр. Бу сүбэлэр олоххутун уонна доруобуйаҕытын харыстыырга көмөлөһүөхтэрин сөп. Тускутугар туһаныҥ.

Тыатааҕыны көрсүбүт түгэҥҥэ саамай сүрүнэ – УОЛУЙУМАҤ, КУТТАНЫМАҤ!

• 1. ЧУГАҺААМАҤ! Аар тайҕа муҥур тойонугар чугаһаамаҥ! Ордук оҕолордоох буоллаҕына – ийэлэрэ оҕолорун көмүскээн киһиэхэ саба түһүөн сөп.
• 2. СҮҮРҮМЭҤ! Адьырҕа кыыла киһитээҕэр быдан түргэнник сүүрэр. Куота сатаатаххытына, булдун эккирэтэр «тыынын» уһугуннарыаххытын сөп.
• 3. КЭННИГИТИНЭН ХАЙЫҺЫМАҤ! Эһэҕэ кэннигитинэн эргиллимэҥ, бытааннык кэннинэн чугуйа сатааҥ.
• 4. ХАРАҔАР УТАРЫ КӨРҮМЭҤ! Бу түгэҥҥэ тыатааҕыга өһөс, кырыктаах буолууну өйдөтөр. Ойоҕоһунан, хараххыт кырыытынан көрүҥ.
• 5. ТЫАҺЫ-УУҺУ ТАҺААРЫҤ! Адьырҕа кыылга киһи чугаһаабытын тыаһынан-ууһунан биллэриҥ. Илиигитинэн далбаатааҥ, улахан курдук көстө сатааҥ (холобур, кууркаҕытын төбөҕүт үрдүнэн тутуҥ). Баҕар, ыллыаххытын да, хоһоон да ааҕыаххытын да сөп.
• 6. АҺЫЛЫККЫТЫН БЫРАҔЫМАҤ. Маннык түгэҥҥэ эһэни бэйэҕитигэр үөрэтиэххитин сөп.
• 7. ЭҺЭ ОҔОЛОРУН КӨРДӨХХҮТҮНЭ, ОРДУК СЭРЭХТЭЭХ БУОЛУҤ. Хаһан да кинилэргэ чугаһаамаҥ, хаартыскаҕа түһэрэрдии сырсымаҥ. Ийэлэрэ аттыгар баар буоллаҕына, кырыктыйыан сөп.
• 8. МАЛГЫТЫН-САЛГЫТЫН ХААЛЛАРЫМАҤ. Үрүксээккитин, малгытын-салгытын илдьэ барыҥ. Быраҕан бардаххытына, эһэ сытырҕалаан, киһи сытын билэн, инникитин дьоҥҥо чугаһыыр буолуон сөп. Бэлэми аһыы үөрэммит кыыл дьон үүтээнигэр кытта киирэр.
• 9. СААМАЙ СҮРҮНЭ – СЭРЭХТЭЭХ БУОЛУҤ! Тыаҕа, айылҕаҕа тахсаргытыгар кимиэхэ эмит хаһан, ханна бараргытын, хаһан төннөргүтүҥ этэ сылдьыҥ. Айылҕаҕа сылдьан тыаска-ууска болҕомтолоох буолуҥ.