Бэҕэһээ, олунньу 22 күнүгэр, Нам улууһун Түбэ нэһилиэгэр саҥа дьиэ үлэҕэ киирдэ. Ол курдук, «Хаарбах уонна саахалланар туруктаах дьиэлэртэн дьону көһөрүү» өрөспүүбүлүкэтээҕи аадырыстаах бырагыраама чэрчитинэн, 4 кыбартыыралаах, толору хааччыллыылаах саҥа таас дьиэ үөрүүлээх аһыллыыта буолла.
Тутууну Николай Авксентьев генеральнай дириэктэрдээх «Сахастройконтроль» ХЭТ сүрүннээтэ. Үлэ былырыын балаҕан ыйыгар саҕаламмыта. Үлэ салгыы ыытыллан, күрүөтэ-хаһаата оҥоһуллуоҕа.
Үөрүүлээх тэрээһин сахалыы сиэринэн алгысчыт Петр Охлопков уот оттон, сыт таһааран, кымыһынан айах тутан, алаадьынан күндүлээн айыылартан көрдөстө. Эҕэрдэ тылларын улуус баһылыга Юрий Слепцов, Түбэ нэһилиэгин баһылыга Константин Федоров, улуустааҕы капитальнай тутуу уонна архитектура управлениетын начаалынньыга Петр Эверстов, «Сахастройконтроль» ХЭТ гендириэктэрэ Николай Авксентьев уонна саҥа дьиэ хаһаайката Фатима Шапошникова эттилэр.
Николай Николаевич кыбартыыра хаһаайыттарыгар роботпылесос бэлэх уунна уонна саҥа дьиэ 3 сыл мэктиэлээх буолан, туох эмит буолар түгэнигэр кэлэн көрөн, оҥорору оҥорон, өрөмүөннээн биэриэхпит диэн тылын биэрдэ.
Саҥа дьиэлэммит биир дойдулаахтарбытыгар эҕэрдэбитин тиэрдэбит, дьиэҕит-уоккут сылаас, ыраас буоллун.
«Нам улууһа» МТ пресс-сулууспата
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…