Түөкүттэри 3 мөлүйүөн солкуобайынан байыппыт

Аныгы үйэҕэ түргэнник байаары түөкүттэр угаайыларыгар киирэн биэрии ахсаана аҕыйаабат. Нерюнгри куорат 39 саастаах олохтооҕо инвестиция көмөтүнэн түргэнник матырыйаалынай балаһыанньатын тупсарынарга санаммыт.

Ол курдук, үлэтэ суох дьахтар   эбии хамнастаныы туһунан биллэриигэ төлөпүөнүнэн сайаапка хаалларбыт. Сотору кэминэн түөкүттэр хампаанньа бэрэстэбиитэлэ буолан  кубулунан, хампаанньа көмөтүнэн инвестицияҕа харчы угар олус барыстааҕын эрэннэрбиттэр. Түмүгэр дьахтар «аферистар» ыйыыларынан 3 150 000 солк. кирэдьиит ылбыт харчытын барытын инвестициялаабыт уонна улахан суума харчытыттан маппыт.

Ити курдук,  түөкүттэр  угаайылара  үгүс. Сэрэниҥ, харыстаныҥ, чугас дьоҥҥутун сэрэтиҥ!