Хаартыска: dobro.ru
Сэтинньи 3 күнүгэр күнүс 4 чааска «Түөһэйии» туһунан лиэксийэ буолуоҕа. Лиэксийэни «Долгожить» паллиативнай психологическай көмө сулууспатын салайааччы, психолог Наталия Иванова ааҕар.
Өскөтүн чугас дьоҥҥутуттан ким эрэ умнуган буолбут, түөһэйии сибикилэрэ биллибит буоллахтарына, бу лиэксийэни кэлэн истэргит, паллиативнай психологтартан сүбэ-ама ыларгыт наадалаах. Кэнники кэмҥэ сааһырбыт дьоҥҥо түөһэйии олус элбээн эрэр. Бастаан киһи субу буолбуту умнар, уруккутун өйдүүр, онтон бэргээн истэҕин аайы, мэйиитин килиэккэлэрэ, ньиэрбэлэрэ өлөн, бэйэтин кыайан көрүммэт, оҕо курдук буолан хаалар. Онон киниэхэ эрдэттэн көмөлөһүөххэ наада.
— Биһиги сулууспабыт кырдьаҕас дьону көрүү-истии туһунан сырдатан, хас нэдиэлэ ахсын Дьиэҕэ көрүү-истии оскуолатын тэрээһинэ ыытыллар. Кырьдьаҕас, кыаммат дьону көрөр-истэр дьоҥҥо анаан босхо лиэксийэлэри ааҕабыт. Бу бээтинсэҕэ түөһэйии туһунан лиэксийэ буолуоҕа. Миэстэбит аҕыйах, ол иһин төлөпүөннээн, суруйтарыахтарын наада.
Түөһэйии туһунан элбэҕи кэпсиэхпит, уйулҕа өттүттэн туох төрүөттээҕин ырытыахпыт, кэлбит дьон тест толоруохтарын сөп. Умнуган буолбут, түөһэйэн эрэр дьоҥҥо хайдах гынан көмөлөһүөххэ сөбүй диэн боппуруоска болҕомтобутун ууруохпут. Эрчиллиилэри оҥорторон көрүөхпүт. Лиэксийэ уһуна — 1,5-2 чаас, киириитэ — босхо, — диэн Наталия Ивановна кэпсээтэ.
Буолар сирэ: Дьокуускай к., Кулаковскай уул., 6. Билсэр төлөпүөн: 89142474401.
Ахсынньы 6 күнүгэр Амма сэлиэнньэтин «Дружба» успуорт комплексыгар успуорт көрүҥүн бочуоттаах бэтэрээнэ Геннадий Васильевич Окороков…
Дьокуускайга икки эр киһи субуотаҕа балыктыы тахсан баран, дьиэлэригэр төннүбэтэхтэр. Кинилэри көрдүү бэнидиэнньиккэ үс быыһааччы…
Казань куоракка уус-уран гимнастикаҕа Арассыыйа Куубагын күрэхтэһиитэ түмүктэннэ. Онно дойду 20 эрэгийиэниттэн 150-тан тахса бастыҥ…
Erid: 2SDnjduRUSK Ахсынньы 1–21 күннэригэр мета-куйаарга «Сайылык» онлайн-бэстибээл ыытыллыаҕа. Манна көрөөччүлэр Саха сирин ускуустубатын, киинэтин,…
Өлүөхүмэ оройуонун борокуратуурата сибээс туһунан федеральнай сокуон толоруллуутун бэрэбиэркэлээтэ. Бэрэбиэркэ түмүгүнэн, Өлүөхүмэ куоракка уонна тыа…
Ил Түмэҥҥэ ыытыллыбыт төгүрүк остуол кыттыылаахтара өрөспүүбүлүкэ бырабыыталыстыбатыгар Российскай Федерация сиригэр-уотугар үлэлиир Баһаары утары эрэсиим…