Түөкүттэр угаайыларыгар Алдан олохтооҕо киирэн биэрдэ

Кэлиҥҥи кэмҥэ түөкүттэр “Энергосбыт” тэрилтэ эппиэттээх исписэлииһин аатыттан  эрийэр түбэлтэлэрэ үксээтэ.

Билигин үгүс дьон төлөпүөннэригэр билбэт нүөмэрдэриттэн эрийдэхтэринэ ылбаттар. Ол сөп. Ити гынан,“Энергосбыт” диэн сурук таҕыстаҕына, түөкүттэр дии санаабакка, тэрилтэттэн эрийэллэр диэн төлөпүөннэрин ылан, кэпсэтэн бараллар. Итиннэ сытар, сыыһа туттуу куттала.

Ол курдук, Алдан оройуонугар 64 саастаах генеральнай дириэктэртэн түөкүттэр счетчигын уларытабыт диэн кэпсэтиигэ кытыннаран, 295 тыһыынча солкуобайын “сойботон” ылбыттар. Түөкүн хайдах быһыылаахтык кэпсэтэр киһитин угаайытыгар киллэрбитэ уһун остуоруйа. Бу туһунан https://14.xn--b1aew.xn--p1ai/news/item/65020427 сигэнэн киирэн ааҕыҥ.

Төлөпүөнүнэн кэпсэтии кэмигэр счетчик уларытарга этии киллэрдэхтэринэ, тус дааннайы, смс кодтары ыйытыыны этимэҥ, кэпсэтиини тута тохтотуҥ. Түөкүттэр элбэх киһини дьиэ-уот төлөбүрүнэн, счетчиктары уларытыыларынан албынныыр ньыманы буллулар. Дьон ордук манныкка албыннатарын түөкүттэр билбиттэр. Онон кэлин дьон итинник ис хоһоонноох албыҥҥа киириитэ үксээбит. Доҕотторгутугар уонна кырдьаҕас дьоҥҥутугар итинник албыннааһын түбэлтэлэрин туһунан кэпсээҥ, сэрэтиҥ.

Сиһилии: https://14.xn--b1aew.xn--p1ai/  киирэн ааҕыаххытын сөп.