Түөкүттэр 1,5 мөл. солкуобайы албыннаан ылбыттар

Дьокуускайга аҕам саастаах дьахтар төлөпүөн түөкүннэрин угаайыларыгар киирэн биэрэн, 1,5 мөл. солкуобайы суйдаппыт.

Учуутал идэлээх дьахтарга оскуолатын дириэктэрин аатыттан телеграм-сыһыарыынан сурук тигинээн кэлбит. “Дириэктэр” буолан кубулуммут түөкүн “Билигин эйиэхэ ФСБ-тан эрийиэхтэрэ, тугу этэллэрин булгуччу толор”, — диэн суруйбут. Албыннааһыҥҥа түбэспит 65 саастаах учуутал кэрэдьиит ылан ыйбыт счеттарыгар көһөрбүт.  “Маннык түөкүннээһин схемата баарын туһунан билэр этим эрээри, дьэ, киирэн биэрдим”, диэн этэр кини. Телеграмҥа, бассаапка албыннааһын олус үөдүйдэ, киирэн биэримэҥ. Эрдэттэн барытын хос бэрэбиэркэлииргит ордук.