Хаартыска: ru.freepik.com
Холуобунай ирдэбил управлениетын оперативниктара уонна баан куттал суох буолуутун сулууспатын үлэһиттэрэ түөкүттэр уорбут харчыларын сорҕотун дьиэ кэргэҥҥэ төннүннэрдилэр. Бу туһунан СӨ ИДМ пресс-сулууспата иһитиннэрэр.
Дьокуускай полициятыгар түөкүннээһиҥҥэ түбэспитин туһунан 20 саастаах устудьуон сайабылыанньа түһэрбит. Кини этэринэн, аан бастаан деканаттан эрийэбит диэн, тус кэбиниэти туруорарга СМС-тан кэлбит куоду этэригэр көрдөспүттэр. Уол бу көрдөһүүнү толорбутун кэннэ, киниэхэ быраабы араҥаччылыыр уорганнар сымыйа үлэһиттэрэ эрийбиттэр. Сокуону кэһэр дьайыыны толкуйдаан булбут үбүлээһиннэрин иһин холуобунай эппиэтинэскэ тардыынан куттаан, түөкүттэр кинини ийэтин харчытын ыйбыт счеттарыгар араас банкоматтарынан ыыттаран ылбыттар. Ол түмүгэр, дьиэ кэргэн 800 тыһыынча солкуобайынан сүтэрбит.
Бу чахчынан ИЛьМ силиэстийэлиир отдела РФ ХК 159-с ыстатыйатын 3-с чааһынан (бөдөҥ кээмэйдээх түөкүннээһин) холуобунай дьыаланы тэрийбит. Суһал-ирдэбил тэрээһиннэринэн 400-тэн тахса тыһыынча солкуобай Казань куорат 27 саастаах олохтооҕун счетугар киирбитэ быһаарыллыбыт.
Полицейскайдар Татарстааҥҥа тиийэн дьахтары туппуттар. Хара санаалаах дьахтар «дроппер» диэн ааттанар оруолу толорон, түөкүттэргэ харчыны уһулан биэрэр эбит. Баан куттал суох буолуутун сулууспата уорбаланааччы счетун тутан хааччахтаабыт уонна үбү-харчыны төннүннэрии процедуратын саҕалаабыт. Баан үлэһиттэрин уонна ИДьМ кибербуруйу утары охсуһар салаатын үлэлэрин түмүгэр, 400-тэн тахса тыһыынча солкуобай сокуоннай бас билээччигэ төннөрүлүннэ. Эмсэҕэлээбит дьиэ кэргэн полицейскайдарга уонна баан бэрэстэбиитэллэригэр идэлэрин үрдүктүк сыаналаан махтанна.
Тутуллубут дьахтар туһунан Татарстаан полицията РФ ХК 187-с ыстатыйатынан (төлөбүр ньыматын сокуоннайа суох эргинии) холуобунай дьыаланы тэрийдэ. Билиҥҥи кэмҥэ быраабы араҥаччылыыр уорганнар буруйу оҥоруу схема бары кыттыылаахтарын уонна кинилэр атын дьайыыларын быһаарар үлэни салгыыллар.
Алдан оройуонун ИДьМ отделын силиэстийэлиир салаатын силиэдэбэтэлинэн Алдан олохтооҕун баан счетыттан харчы уоруллубут чахчытынан холуобунай…
Бүгүн патриотическай иитиигэ быһаччы үлэлии сылдьар дьон, кэлэктииптэр, оскуола, тэрилтэлэр үлэһиттэрэ, араас хамсааһыннар чилиэннэрэ «Патриот»…
Саха сирин экэниэмикэ үүнүүтүн кииннэрин социальнай сайдыыларын былаанын чэрчитинэн 2026 сылга 11 тэрээһини олоххо киллэриигэ…
Олунньу 5 күнүгэр Саха сирин киинэ тыйаатырдарыгар «Сахафильм» хампаанньа «Күүлэй! От кэмэ» диэн дьиэ кэргэнинэн…
Быйыл биир кэлим эксээмэни туттарааччылар талар биридимиэккэ “былырыын бу идэҕэ маннык эксээмэннэр этэ, быйыл даҕаны…
Бүгүн, тохсунньу 30 күнүгэр, «Патриот» ыччат киинигэр Саха Өрөспүүбүлүкэтигэр патриотическай иитиигэ Анал ирдэбили оҥорууга анаммыт…