Түөкүттэр аҕам саастаах кэргэнниилэртэн 23 мөл.солк. уорбуттар

Дьокуускай куорат аҕам саастаах олохтоохторо түөкүттэргэ итэҕэйэн 23 мөлүйүөн солкуобайы уордарбыттарын туһунан ИДьМ пресс-сулууспата иһитиннэрэр.

Муус устар ый ортото 71 саастаах дьахтарга «Энергосбыт» аатыттан эрийэн счетчигы бэрэбиэркэлиир туһунан иһитиннэрбиттэр уонна дьахтарга уочарат куодун ыыппыттарын, ону тута  этэригэр соруйбуттар. Аҕам саастаах дьахтар уһуннук толкуйдуу барбакка, СМС-куоду этэн биэрбит. Сотору кэминэн кини «Госуслуги» тус страницатын алдьаппыттарын туһунан иһитиннэрбиттэр. «Суһал лииньийэҕэ» эрийэр туһунан эппиттэр. Дьахтар кинилэр этиилэрин истэн онно эрийбит. Кинини кытта «Росфинмониторинг» аатыттан сымыйа үлэһит кэпсэппит уонна уурумньу харчыны куттала суох счекка ыытарга сүбэлээбит. Дьахтар кэргэнэ 10 мөл.солкуобай уурумньутун эмиэ куттала суох счекка ыыппыт. Хомойуох иһин, кинилэр олох хойутаан албыннаппыттарын билбиттэр.

Ханнык да тэрилтэ, баан, полиция, социальнай, пенсионнай пуонда аатыттан  суотабай төлөпүөҥҥэ эрийбэттэр, онон олох сэрэхтээх буолуҥ диэн ИДьМ пресс-сулууспата иһитиннэрэр.