Хаартыска: ЯСИА
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр.
Түөкүттэр военкомат аатыттан эрийэн, байыаннай дьайыыга өлбүт аймахтарын иһин мэтээл эбэтэр төлөбүр ыла кэлэллэригэр ыҥыраллар. Кэпсэтии кэмигэр кинилэр дьонтон кэлбит смс-коду көрдөһөн ылаллар. Ити кэнниттэн кинилэр кыттыгастаахтара эрийэн тахсаллар. Кинилэр бэйэлэрин ФСБ, Росфинмониторинг эбэтэр Киин Баан үлэһиттэринэн билиһиннэрэллэр.
«Буруйу арыйыы» эбэтэр «аккауну алдьатыы» диэн сылтаҕынан, кинилэр сиэртибэни холуобунай дьыаланан куттаан, бэйэлэрин соруктарын толорору ирдииллэр. Ол үксүгэр харчыны атын сиргэ ыытыыга тириэрдэр.
Биир кытаанах быраабыланы өйдүөххэ наада: дьиҥнээх судаарыстыбаннай сулууспалаахтар хаһан да төлөпүөнүнэн кодтары ирдээбэттэр, буруй оҥоһуллубутун туһунан иһитиннэрбэттэр, куттаабаттар, докумуон хаартыскатын ыыппаттар эбэтэр мессенджер нөҥүө кэпсэппэттэр.
«Госуслуги» аккаунт алдьаммытын уорбалаатаххына, Элбэх өйөнү оҥорор кииҥҥэ (МФЦ) бэйэҥ тиийиэхтээххин, оттон аккауҥҥар киирэр кыаҕы сүтэрдэххинэ — тута полицияҕа барыахтааххын.
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…