Түөкүттэр аны босхо тиэхиньикэни, миэбэли биэрэбит диэн албынныыр буолбуттар

Арассыыйаҕа түөкүннээһин саҥа көрүҥүнэн социальнай ситимнэр бөлөхтөрүгэр киирэн, наадыйбат тиэхиньикэни эбэтэр миэбэли босхо биэрэллэрин туһунан биллэрии ыыталлар. Бу туһунан РФ ИДьМ пресс-сулууспатыгар иһитиннэрдилэр.

«Аферистар социальнай ситимнэргэ олорор дьиэлэр эбэтэр оройуоннааҕы бөлөхтөргө киирэн босхо олох-дьаһах тиэхиньикэтин, миэбэли босхо ыларга биллэрии ыыталлар. Малы биэрэр күнүгэр «ыаллыы олорор» түөкүттэр тиэхиньикэни эбэтэр малы курьерынан эрэ ыыталларын туһунан биллэрэллэр. Оччотугар малы тиэрдиигэ кинилэр ыыппыт сигэлэригэр киирэргэ көрдөһөллөр», — диэн РИА Новости суруйар.

ИДьМ дааннайдарынан, маннык сигэлэринэн киирдэххэ мобильнай төлөпүөн вирустанар, бырагыраама тус дааннайдары уорар уонна төлөпүөн хаһаайынын баан сыһыарыыларын көмүскэлин алдьатар. Биэдэмистибэ гражданнары сэрэх буоларга уонна итинник этиилэри мэлдьи бэрэбиэркэлииргэ сүбэлииллэр.