Түөкүттэр аны дьиэ кыылларынан киирэн эрэллэр

Түөкүттэр Арассыыйа олохтоохторугар дьиэ-уот иниспиэктэрэ буолан эрийэллэр уонна кыбартыыраларыгар төһө дьиэ кыылын иитэн олороллорун ыйыталлар.

Информацияны ылан баран, дьиэ кыылын тутан олоруу лимиитин аһарбыккыт дииллэр, итиэннэ көҥүл биэриэхпит диэн эрэннэрэн, харчы көрдүүллэр, диэн РИА Новости суруйар. Түөкүттэр өссө “Госуслугалар” матырыйаалларыгар ыытабыт диэн сымыйа сигэлэри ыыталлар — туһанааччы олору баттаатаҕына, аккаунун сүтэрэригэр тиийэр.

Урут кыыллары көмүскэһэр дьон, кырдьык, дьиэ кыыллара сөптөөх кв.м. иэннээх кыбартыыраҕа иитиллиэхтээхтэр диэн Госдуумаҕа сокуон барылын көрөргө этии киллэрбиттэрэ. Ол курдук, улахан боруодалаах ыкка кырата — 25 кв. м., куоскаҕа — 8 кв. м., крысаҕа — 4 кв.м, хомякка — 2 кв. м. көрүллүөхтээх диэн туруорсубуттара.