Хаартыска: Мария Васильева, ЯСИА.
Түөкүттэр аны устудьуоннарга төлөпүөннээн харчы суйдуур буолбуттар. Ааспыт нэдиэлэҕэ ИДьМ Дьокуускайдааҕы салааларыгар харчыларын уордарбыт биэс устудьуонтан үҥсүү киирбит. Уопсай хоромньу сууммата 355 тыһыынчаҕа тэҥнэспит.
Баан үлэһиттэрин ааттарыттан ХИФУ 23 саастаах устудьуонугар эрийбиттэр уонна кини счетуттан харчы уоруллаары гыммытынан, утары кирэдьиит оҥорторорго сүбэлээбиттэр. Устудьуоҥка сөбүлэһэн 256 тыһыынча солкуобайы кирэдьиит оҥотторбут уонна түөкүттэр счеттарыгар ыыппыт. Кини бэйэтин уурумньутун сүтэрбитин ааһан кирэдьиит төлүүр буолбут.
Иккис түөкүннээһин 17 уонна 18 саастаах устудьуоннарга оҥоһуллубут. Кинилэр социальнай ситим нөҥүө атах таҥаһа сакаастаабыттар. Атыылааччы харчыларын утары көрдөөбүт. Устудьуоннар иккиэн уонтан тахсалыы тыһыынчаны ыытан кэбиспиттэр уонна атах таҥаһа суох хаалбыттар.
Төрдүс устудьуон ноутбук атыылаһаары киирэн биэрбит. Харчытын утары ыыппыт, ноутбугун ол курдук харахтаабатах даҕаны. Бэһис устудьуон эбии үөрэххэ үөрэнээри 26 тыһыынчаны түөкүттэргэ ыытан кэбиспит.
Билигин төлөпүөнүнэн дьону албынныыр, харчы суйдуур түөкүттэр олус элбээтилэр. Онон ИДьМ сэрэтэринэн, билбэт нүөмэргит эрийдэҕинэ ылбат буолуҥ, ону сэргэ интэриниэккэ билбэт сыылкаҕытын хаһан да арыйымаҥ. Баан үлэһитэ эрийэн хаһан даҕаны харчыгытын атын счекка ыытыҥ диэбэт. Түөкүттэртэн сэрэниҥ!
Новосибирскай уобаласка кулгаахтарынан кэһиллиилээх күрэсчиттэр ортолоругар көҥүл уонна греко-римскэй тустууга Арассыыйа Куубага түмүктэннэ. Саха сирин…
2517 ыал оҕо уһуйааннарыгар оҕону көрүүгэ-истиигэ төрөппүт төлөбүрүттэн босхолоннулар. Бу туһунан брифинг кэмигэр Саха Өрөспүүбүлүкэтин…
Өрөспүүбүлүкэ быйылгы сыллааҕы бүддьүөтүгэр улуус иһинээҕи көтөр аалынан сырыылары субсидиялыырга эбии 24,4 мөл. солкуобай көрүлүннэ.…
Бэнидиэнньиккэ, ахсынньы 8 күнүгэр, Хатас – Павловскай хайысханан Өлүөнэ өрүһү туоруур кыһыҥҥы суолга тырааныспарга көҥүл…
Өлүөхүмэ оройуонун борокуратуурата РФ Холуобунай кодексатын 111-с ыстатыйатын 4-кы чааһынан (соруйан доруобуйаҕа ыар эчэйиини оҥоруу,…
Бүгүн, ахсынньы 8 күнүгэр, СӨ Уопсастыбаннай балаататыгар «Доруобуйа харыстабылын эйгэтин үбүлээһин уонна социальнай мэктиэлэри хааччыйыы…