Түөкүттэр аны ыччаты утары саҥа схемалары толкуйдаабыттар

Түөкүттэр деканат эбэтэр устудьуоннар поликлиникаларын ааттарыттан устудьуоҥҥа эбэтэр үөрэнээччигэ эрийэн, «Госуслуги» порталга дааннайдаргытын эбэтэр регистрациялааххытын бэрэбиэркэлиибит диэн модьуйан туран, авторизация кодун ирдииллэр диэн ИДьМ иһитиннэрэр.

Аккауҥҥа киирэр кыах көһүннэ да, онно сымыйа дэбиэринэстэри киллэрэллэр уонна бааннарга кирэдьиит ылар сайаапкалары ыыталлар.

Түөкүттэр бэйэлэрин сиэртибэлэригэр психологическай сабыдыалы сатабыллаахтык оҥороллор, ол түмүгэр дьон ыгылыйан, өйдөрө баайыллан хаалар.

Ону таһынан, түөкүттэр дьоҥҥо «сайабылыанньаҕа сыһыарарга наада диэн» баан каартатын кэлин өттүн хаартыскаҕа түһэрэн ыыт диэн көрдөһүөхтэрин эбэтэр харчыны счеттан таһааран, «быыһыыр туһугар» курьерга биэрэн ыыт диэн модьуйуохтарын сөп.