Түөкүттэр биэнсийэлээхтэри сонордоһоллор

Биэнсийэ пуондатын аатыттан түөкүттэр 2016-2018 сыллардааҕы биэнсийэҕитин хаттаан аахпыттар диэн үһүйээни толкуйдаан, биэнсийэлээх дьоҥҥо эрийтэлээн эрэллэр.

Хара санаалаахтар киһиэхэ эрийэн, тус дааннайдарын этэн баран, биэнсийэтигэр  хаттаан ааҕыы оҥоһуллубут диэн иһитиннэрэллэр.

Ол кэнниттэн “Биэнсийэ пуондатыгар хаттаан регистрацияланыаххын наада” дииллэр, бааныҥ каартатын түөрт бастакы сыыппаратын этэллэр.

Салгыы түөкүттэр каартаҥ толору сыыппаратын этиттэрэллэр, ол кэнниттэн смс-иһитиннэриинэн кэлэр коду көрдүүллэр.

Ону ыллылар да, бааныҥ каартатыгар уура сыппыт харчыҥ күдэҥҥэ көтөр.