Түөкүттэр уонтан тахса киһи харчытын сойбоппуттар

Ааспыт нэдиэлэҕэ түөкүттэр өрөспүүбүлүкэ 13 олохтооҕун албыннаабыттар. Ол түмүгэр, дьон харчытын 6 325 253 солк. сойботон ылбыттар.

Түөкүттэр кими да албынныылларын кэрэйбэттэр.  Өйдөрө-санаалара дьон сыралаһан мунньуммут харчытын суйдааһын эрэ. Нэдиэлэ иһигэр 3 үлэтэ суох киһини, 3 устудьуону, 2 биэнсийэлээҕи, повары, бырааһы, бааза сэбиэдиссэйин, системнай администраторы уона суоппары албыннаабыттар.

Буоларын курдук, ФСБ, ИДьМ, РФ Киин Баанын, Росфинмониторинг үлэһитэ буолан сымыйалааннар, биэс киһиттэн 3,7 мөл. солк. тахса харчыларын уорбуттар.

Онтон аҕыс киһини страховой хампаанньа, нолуок сулууспатын, Арассыыйа Почтатын, Госуслуга, Водоканал, Энергосбыт, суотабай сибээс оператора аатыран кубулунан эрийэннэр угаайыларыгар киллэрбиттэр,  2,5 мөл. тахса харчыны суйдаабыттар.

Болҕомтолоох буолуҥ!  Билбэт нүөмэргититтэн эрийдэхтэринэ ылымаҥ, кэпсэтимэҥ. Түөкүттэр угаайыларыттан сэрэниҥ!

https://t.me/tprocsakha