Түөкүттэр Дьокуускай автовокзалын сымыйа саайтын оҥорбуттар

Куйаар ситимигэр Дьокуускай автовокзалын сымыйа саайта тарҕаммыт. Бу туһунан Тырааныспарга министиэристибэтэ сэрэттэ.

Түөкүттэр саайтара тас көстүүтүнэн официальнай порталтан уратыта суох. Буруйу оҥорооччулар  ресурсаны эһиги тус дааннайгытын (пааспар, баан дааннайдарын) хомуйарга, араас эпэрээссийэлэри оҥорорго, вирустары тарҕатарга туһаныахтарын сөп.

Сымыйа-сайт — yakutsk-avtovokzal.ru Автовокзал официальнай сайта: avtovokzal-yakutsk.ru

«Сэрэхтээх буолуҥ! Уорбаланар сигэлэринэн кииримэҥ, бэрэбиэркэтэ суох саайтка киирэр уонна төлөбүр дааннайдаргытын киллэримэҥ. Аадырыс устуруокатын бэрэбиэркэлээҥ», — диэн биэдэмистибэ Саха сирин олохтоохторун сэрэхтээх буоларга ыҥырда.