Түөкүттэр Дьокуускай куорат үс олохтооҕуттан харчыларын сойбоппуттар

ИДЬМ телеграм ханаалыгар иһитинэрэллэринэн, Дьокуускай куорат үс олохтооҕо түөкүттэргэ киирэн биэрэн, харчыларын уордарбыттар. Хайдах?

Ол курдук, 70 саастаах дьахтарга “Росфинмониторинг үлэһитэбит” диэн төлөпүөннээн 272 тыһ. солк. ылбыттар.

80 саастаах биэнсийэлээх дьахтарга эрийэн түөкүн “анал сулууспа үлэһитэбин” диэн 245 тыһ. солк. уорбут.

76 саастаах дьахтар “Центробанк үлэһитэбит” диэн кубулунан эрийбит киһини кытта кэпсэтэн, 720 тыһ. солк. сүтэрбит.

Онон ИДЬМ аҕа саастаах дьоҥҥутун сэрэтиҥ диэн сүбэлиир. Болҕомтолоох буолуҥ, элбэхтик кэпсэтиҥ, күннэрин хайдах атааралларын ыйыталаһыҥ, кимниин кэпсэтэллэрин, кинилэр туох сонуннаахтарын билиҥ диир.