СИА хаартыската
Хаандыгаҕа олорор 69 саастаах дьахтар түөкүттэри кытта төлөпүөнүнэн кэпсэтэн баран, угаайыларыгар киирэн дьиэтэ суох хаалбыт.
Эмсэҕэлээччи мөлүйүөнүнэн иэскэ киирбитин таһынан, өссө холуобунай эппиэтинэскэ тардыллар кутталлаах.
Кини от ыйыгар «Одноклассники» ситимҥэ киирэн баран реклама баарын көрбүт. Ханнык эрэ инвестиционнай былаһаакка биэнсийэлээхтэргэ дохуоттарын «үлүннэрэргэ» көмөлөһөрүн туһунан. 30-ча тыһ. биэнсийэлээх, 60 тыһ. тахса хамнастаах дьахтар дьол чыычааҕын кутуругуттан тутар баҕалаах инвестор буолан көрөргө быһаарыммыт. Сэҥээрбит киһи быһыытынан төлөпүөнүн нүөмэрин суруйбут. Биллэн турар, өр күүттэрэ барбакка, киниэхэ төлөпүөннээбиттэр.
Олус «култууралаах» эдэр дьоннор Марк Царев, Виктор Донцов, Риф Гореев диэн ааттаммыттар. Кэпсэтии түмүгүнэн, дьахтар халбархай суолга киирэн биэрбит.
Бастаан киниэхэ дьүөгэтэ 1 400 000 солк. иэс биэрбит. Салгыы эмсэҕэлээччи түөкүттэргэ атын эрэгийиэҥҥэ уолугар көһөөрү сылдьарын туһунан этэн биэрэн, оччо сыаналаах иһитинэриини мүччү тутуохтара дуо. Кыбартыыратын атыылыырыгар кытта тиэрдибиттэр. Салгыы түөкүттэр «Сингапур» баан ирдэбилинэн, эбии страховой уонна да атын харчы ыытара наадатын «сүбэлээбиттэр».
Дьахтар Хаандыгаҕа кыбартыыратын атыылаабыт. Биллэриитин көрбүт эр киһи 1 000 000 солк. солуок быһыытынан ыыппыт. Ол харчы тута түөкүттэргэ «айаннаабыт».
Аны иккис атыылаһааччы көстүбүт. Маныаха биллэриилээх дьахтар кинини кытта дуогабар түһэрсибит, кыбартыыратын харчытын ылбыт. Ол эмиэ тута түөкүттэр счеттарыгар ыытыллыбыт.
Салгыы эмсэҕэлээччи кыбартыыратын бастаан атыылаһыах буолан баран сибээскэ тахсыбакка сылдьыбыт киһиэхэ дьиэтэ атыыланан эрэрин туһунан иһитиннэрбит. Итиэннэ кини бэйэтэ атын эрэгийиэҥҥэ суһаллык кыбартыыра ылыахтааҕын, оттон Хаандыгатааҕытын атыылаһар дьон баалларын эппит. Онуоха бу киһи өссө 1 000 000 солк. ыыппыт. Хаандыгаҕа дьиэ кв.м. сэҥээрбитин, онон куоттарара табыллыбатын биллэрбит.
Ити курдук, эмсэҕэлээччи дьахтар түөкүттэргэ 6 500 000 солк. харчыны ыыппыт, дьиэтэ суох уонна өссө иэстээх хаалбыт. Оттон кыбартыыраны атыылаһаары солуок быһыытынан улахан сууманы биэрбит эр киһи полицияларга бу дьахтары үҥсэн сайабылыанньа суруйбут.
СӨ ИДьМ пресс-сулууспата
Хантан кэлбитэ, ким айбыта биллибэт эрээри, Саҥа дьыл бэйэтэ туспа үгэстээх, биттээх-билгэлээх. Сорох дьон маны…
Ахсынньы 22 күнүгэр алыптаах Саҥа дьыл бырааһынньыгын көрсө, А.Е.Кулаковскай аатынан Норуоттар доҕордоһууларын дьиэтигэр «Саҥа дьыллааҕы…
Мииринэй куоракка борокуратуура 820 тыһ. солк. суумалаах арыгынан суокуоннай суохтук эргиниинэн холуобунай дьыаланы суукка ыытта.…
Анал байыаннай дьайыы кыттыылаахтара уонна кинилэргэ тэҥнээх дьон иккис орто үөрэххэ босхо үөрэнэр кыахтаахтар. Судаарыстыба…
Ааспыкка Саҥа дьылааҕы сандалы солбуллубат олохтооҕо буолбут "саҕынньахтаах селедка" салаат оннугар рулет оҥорору сэргээбиккит. Аны…
Индия, табылыннаҕына, сыл бүтүөр диэри Арассыыйа туристическай бөлөхтөрүгэр визата суох эрэсиими олохтуон сөп диэн Индия…