Хаартыска: PxHere
Атырдьах ыйын 2 күнүгэр Дьокуускай куорат үлэтэ суох 25 саастаах олохтооҕор «мобильнай оператор үлэһитэ» диэн кубулунан эр киһи эрийэн, сим-каартаны туһанар дуогабары уһатар наадатын туһунан эппит.
Кыыс түөкүттэр этиилэрин толорон, кинилэргэ смс-нан кэлбит кодтары ыыппыт. Ол күн салгыы киниэхэ «Госуслуги» портал сымыйа үлэһитэ сибээскэ тахсыбыт уонна кини тус кабинетыгар уорбаланар хамсааһыннар бэлиэтэммиттэрин туһунан сонунунан куттаабыт.
«Түөкүттэр норуоттар икки ардыларынааҕы ирдэбилгэ сылдьар буруйу оҥорооччуга харчыны ыытаары, кирэдьиит уонна микрозайм ылаары оҥостоллор», – диэн биллэрбиттэр.
Түөкүттэр «барытын билэр-көрөр» курдук туттуулара кыыһы албыҥҥа киллэрбит. Онтон «Киин Баантан» кубулунан эрийэннэр, кыыска харчытын кини ыйбыт «куталла суох счеттарыгар» түргэнник ыытарыгар модьуйбуттар. Ол инниттэн кини араас операцияларынан бэйэтин харчытын эрэ буолбакка, эбэтин мунньуммут харчытын «куталла суох счеттарга», уо.д.а. көһөрбүт. Эмсэҕэлээччи түөкүттэр ыйыыларынан кирэдьиит оҥотторон, харчыны барытын көһөрө турбут: банкоматтартан уу харчы устан, биир счеттан атыҥҥа ыытан, ити курдук эбэтэ мунньуммут харчытын кытта кураанахтаабыт. Ол кэмҥэ түөкүттэр амтаһыйан, билэр дьоннуттан 300 000 солкуобайы иэс көрдүүргэ модьуйбуттар.
Сиэн кыыс уонна кини батыһыннара сылдьар кырдьаҕас эбэтэ билэр дьонноруттан, аймахтарыттан харчы иэс көрдөөбүттэр. 130 000 солкуобайы хомуйан, тутатына «куталла суох счетка» ыыппыттар. Онуоха эбии тохтооботохтор! Түөкүттэр эрийэн, ханнык эрэ уорбаланар киһи эбэтин кыбартыыратын атыылыырга оҥосто сатыырын туһунан эппиттэр. Буруйу оҥорооччулар букатын муммут дьахталларга Дьокуускайга баар консультант нүөмэрин ыыппыттар. Дьахталлар бэйэлэрэ түргэнник дьиэлэриттэн босхолонон, харчыны «куталла суох счеттарга», чуолаан кинилэргэ ыытыахтара диэн эрэммиттэр. Эмсэҕэлээччилэр риэлторга сүүрбүттэр. Дьолго, идэлээх үлэһит килийиэннэрин кэпсээнин истэн баран, кинилэри полиция отделыгар ыыппыт. «Уопсайа, эдэр саха кыыһа 1 768 000 солкуобайы сүтэрбит, онтон улахан аҥаара иэскэ киирэн ылыллыбыт харчы», – диэн Саха сиринээҕи ИДьМ пресс-сулууспата иһитиннэрэр.
Петербурдааҕы норуоттар икки ардыларынааҕы гаас пуорумун кэмигэр, алтынньы 9 күнүгэр, Лоомтука сэлиэнньэтигэр гаас киириитин үөрүүлээх…
Быйыл сайын итирик туруктаах сылдьыбыт эр киһи күлүгээнниир сыалтан суолга патруллуур сулууспа “УАЗ Патриот” массыынатын…
Күһүн буолан, тумуу, дьаҥ элбээтэ. Ыалдьыбат туһуттан, туһалаах, тумууттан харыстыыр арыыны оҥостон сииргитигэр сүбэлиибит. …
СӨ Үлэҕэ уонна социальнай сайдыыга министиэристибэтэ оҕолоох ыалларга төлөбүр иэһин сабыыга киирбит үбүнэн, 2025 сыл…
Аан дойдуга аатырбыт бешамель тума оҥоһуллуута биһиги саламааппытыгар маарынныыр. Бу тума аһы олус тупсарар. Үгүс…
Түөкүттэр саҥаттан саҥа албастары толкуйдаан, дьонтон харчы ыга үктээн ылыылара күннэтэ тахса турар. Билигин аны…