Түөкүттэр «Энергосбыт», ФСБ аатыттан эрийэллэр

Share

Ааспыт суукка иһигэр Дьокуускай полициятыгар үҥсүбүт икки дьахтар түөкүттэр сиэртибэлэрэ буолбуттар. Уопсайа 2 мөлүйүөн солкуобайтан тахса сууманы түөкүттэргэ ыыппыттар диэн ИДьМ пресс-сулууспата иһитиннэрэр.

61 саастаах биэнсийэлээх дьахтарга «Энергосбыт»  сымыйа «үлэһитэ» эрийбит уонна: «Счетчиктарыҥ эргэрбиттэр, уларытыахха наада, билигин СМС-код кэлиэ, ону эт», — диэбит. Дьахтар итэҕэйэн, барытын эппит. Онтон аны «быраабы харыстыыр уорган үлэһитэ» эрийбит уонна: «Госуслуги» баар кэбиниэккин алдьаппыттар, билигин харчыгын уоруохтара», — диэн ыган-түүрэн барбыт.

Дьахтар ыксаан, түөкүттэр ыйыыларынан бааҥҥа баран, харчытын устубут уонна саҥа төлөпүөнү атыыласпыт, онно «Мир рау» сыһыарыыны хачайдаабыт. Туох баар харчытын онно ыйыллыбыт счекка ыыппыт. Түөкүттэр сымыйа дастабырыанньалары көрдөрөллөр эбит уонна «эйигин кэтии сылдьабыт, төлөпүөҥҥүн курдат истэбит» диэн куттаабыттар аҕай. Онон дьахтар 1,3 мөлүйүөн солкуобайын мэлиппит.

67 саастаах учуутал дьахтарга завуч аатыттан суруйбуттар. «ФСБ бэрэбиэркэтин түмүгүнэн, кыраныысса тас өттүгэр харчы ыыта олорор эбиккин диэн уорбалаабыттар», — диэн сурук кэлбит. Ол кэнниттэн эмиэ «ФСБ үлэһиттэрэ» эрийэн, саҥа төлөпүөн атыылаһарга, «Мир рау» сыһыарыыны хачайдыырга уонна харчыны ыытарга соруйбуттар.

Куттаммыт дьахтар бары сорудахтарын толорбут уонна түөкүттэргэ 475 тыһыынча солкуобайы ыыппыт. Сарсыныгар эмиэ эрийбиттэр уонна өссө 2 мөлүйүөн солкуобайы кирэдьиит ылан, ыытарыгар соруйбуттар. Манна эрэ дьэ, түөкүттэргэ түбэспитин дьахтар өйдөөбүт уонна полицияҕа үҥсүбүт.

Recent Posts

  • Байыаннай эпэрээссийэ
  • Сонуннар

Нэдиэлэ иһигэр икки сүүстэн тахса психологическай көмө оҥоһулунна

Ааспыт нэдиэлэҕэ өрөспүүбүлүкэҕэ уонна Донааҕы Ростовка госпиталларга байыаннай дьайыы кыттыылаахтарыгар, кинилэр дьиэ кэргэттэригэр, уопсайа 180…

12 минут ago
  • Байыаннай эпэрээссийэ
  • Сонуннар

Дүпсүннэр уонтан тахса хаххалыыр сиэккэни бэлэмнээтилэр

Уус Алдан улууһун Дүпсүн нэһилиэгин олохтоохторо, чуолаан "Сардаҥа" оҕо уһуйаанын иитиллээччилэрэ уонна үлэһиттэрэ Дьокуускайга уонна…

32 минуты ago
  • Сонуннар
  • Чэгиэн

Иван Луцкаҥҥа Пирогов уордьанын туттардылар

Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…

57 минут ago
  • Аҕа дойдуну көмүскээччи сыла
  • Сонуннар
  • Үөрэх

Үөрэх уонна билим миниистирэ суруналыыстары кытта көрүстэ

Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…

1 час ago
  • Сонуннар
  • Спорт
  • Уопсастыба

Сылы түмүктүүр успуорт тэрээһиннэрэ саҕаланнылар

Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…

2 часа ago
  • Сонуннар
  • Чэгиэн

Сааһырбыт киһиэхэ сүбэлэр

Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…

2 часа ago