Салгыы
Түөкүттэр ФСБ өттүттэн кистэлэҥ бэрэбиэркэ ыытыллар диэн эрийэр буоллулар

Түөкүттэр ФСБ өттүттэн кистэлэҥ бэрэбиэркэ ыытыллар диэн эрийэр буоллулар

10.07.2024, 17:00
Виктория Сергеева хаартыската, СИА.
Бөлөххө киир:

Саха Өрөспүүбүлүкэтин ИДьМ иһитиннэрэринэн, түөкүттэр саҥа исхиэмэлэрин туһанан, «досье» хомуйан, судаарыстыбаннай былаас уорганнарын үлэһиттэрин албынныыллара элбээтэ. Бастаан урукку кэллиэгэлэрин, онтон салайааччыларын, «ФСБ үлэһиттэринэн», ол кэннэ аны Украинаны кытары ситимнээн, ардыгар холуобунай дьыаланы тэрийиинэн куттаан албыҥҥа үктэтэр буоллулар.

Түөкүттэр төлөпүөннээн Арассыыйа ФСБ-тын өттүттэн кистэлэҥ бэрэбиэркэ ыытыллар дииллэр эбит. Итэҕэтэр курдук анал бэчээттээх уонна дьиҥнээх дуоһунастаах киһи аатыттан илии баттааһыннаах сымыйа докумуону хаартыскалаан ыыталлар. Онуоха хара дьайдаах дьон бастаан туох да дааннайы биэрэр, харчыны ыытар наадата суох дииллэр.

Ол кэннэ атын киһи төлөпүөннээн «ФСБ силиэдэбэтэлэбин» диэн этэр. Ол киһи араас ыйытыылары биэрэр, сөптөөх хоруйу ыллаҕына, кэпсэтэ олорор киһитин эрийэн-мускуйан, Украина сэбилэниилээх күүстэригэр анаан эн бааннааҕы счеккуттан харчы устан эрэллэр диир. Итиэннэ бу киһи террористары уонна экстремистэри үбүлээһининэн холуобунай дьыалаҕа түбэспэтин туһуттан сымыйа «ФСБ үлэһитэ» «куттала суох счекка» ыытарга этии киллэрэр.

Онуоха түөкүн бааҥҥа баран быһаарсыбатыгар этэр, итинник дьону ууга-уокка түһэрэн атын счекка харчыларын ыыттаран ылаллар.

Манан сибээстээн ИДьМ үлэһиттэрэ тэрилтэлэр салайааччыларыгар бу иһитиннэриини үлэһиттэригэр тиэрдэллэригэр, сэрэтэр үлэни күүскэ ыытарга көрдөһөллөр. Манна даҕатан эттэххэ, билигин өрөспүүбүлүкэ үрдүнэн «Тохтоо! Бу түөкүн!» суһал-сэрэтэр тэрээһин бара турарын санаталлар.

+1
0
+1
0
+1
0
+1
0
+1
1
+1
0
+1
1
Бары сонуннар
Салгыы
20 июля
  • 18°C
  • Ощущается: 18°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: