Салгыы
Түөкүттэр «Госуслуги» портал үлэһитин аатыттан эрийэллэр

Түөкүттэр «Госуслуги» портал үлэһитин аатыттан эрийэллэр

11.01.2024, 19:00
Хаартыска: nbrkomi.ru
Бөлөххө киир:

Түөкүттэр саҥаттан саҥа албастары толкуйдаан иһэллэр. Аны «Госуслуги» портал үлэһиттэрин ааттарыттан эрийэр буолбуттар диэн ИДьМ пресс-сулууспата сэрэтэр. 

Хаартыска: ИДьМ пресс-сулууспата

Дьокуускай куорат 50 саастаах олохтооҕор эрийэн, «Госуслуги» портал үлэһитэбин,  эн аккауҥҥун алдьаппыттар, онон харчыгын куттала суох счекка ыытыаххын наада», — диэбиттэр. Онуоха дьахтар толкуйдуу барбакка, муспут 150 тыһыынча солкуобайын ыйбыт счеттарыгар ыытан кэбиспит.

Оттон Жатай олохтооҕор эрийэн,  дааннайдарын, паролун ылан баран, «Госуслуги» порталга баар тус кэбиниэтигэр киирбиттэр уонна киниттэн ыйытыга суох бааҥҥа кирэдьииттэри оҥорторбуттар.

Түөкүттэр «Госуслуги» порталга тус кэбиниэккэ киирэ сатыыллар. Ол туһуттан киһиэхэ эрийэн, «код двухфакторной аутентификации» көрдүүллэр, эбэтэр, төлөпүөнтэн «удаленный доступ» оҥортороллор. Бу маны кэбиниэттээх киһи бэйэтэ эрэ оҥорор кыахтаах. Тус кэбиниэккэ киһи пааспарын, каартатын, о.д.а. докумуоннарын туһунан сибидиэнньэ баар. Ону туһанан, түөкүттэр кирэдьииттэри оҥорторуохтарын сөп.

Бу курдук «сонуннаах» эрийэр, куттуур, ыксатар буоллахтарына, тута түөкүттэр угаайыларыгар киирэн биэримэҥ, төлөпүөнү ууран баран, бэйэҕит официальнай нүөмэрдэргэ эрийэн билсиҥ. Кимиэхэ да коду, пароллары, баан каартатын реквизиттэрин, каарта кэннигэр баар CVC/CVV-коду ыыппат буолуҥ диэн ИДьМ үлэһиттэрэ сэрэтэллэр.

+1
0
+1
1
+1
0
+1
0
+1
3
+1
1
+1
0
Бары сонуннар
Салгыы
13 июня
  • 16°C
  • Ощущается: 15°Влажность: 67% Скорость ветра: 1 м/с

Сообщить об опечатке

Текст, который будет отправлен нашим редакторам: